Chapter 34

Mabilis na lumapit si Attorney Rob kay Irish, nadatnan n'yang nagpapahid ito ng luha habang tila nanghihinang inilapag ang hawak na celphone. Ni hindi nito namalayan ang pagdating n'ya.

"May problema ba?"

Umiling-iling lang ito at tumingin sa kawalan.

"Look, Irish...Kailangan mong i-kwento 'yan para gumaan ang pakiramdam mo." Napabuntong-hininga ang binata. Akala n'ya pa naman, masayang Irish ang madadatnan n'ya dahil makalipas ang ilang taon ay tuluyan na itong gumaling mula sa pakikipaglaban nito sa sakit na Leukemia.

"Hindi na kailangan, Rob. Okey lang ako. Tears of joy lang ito." Nginitian s'ya ni Irish.

"Alam mo, Irish..." Hindi na nito natapos ang nais pang sabihin dahil sa pagbukas ng pinto ng silid. Bumungad ang Mommy Amanda ni Irish, kasama ang ilang empleyado ng Gabrish, at ang ilang Nars at Doktor na nag-alaga sa kan'yang kliyente, nasa gawing likuran si Gab na nawala ang ngiti nang makita si Rob. Ngunit pilit na ngumiti at pinagtakpan ang pagkainis.<