16

Araw ng linggo. Nagpapahinga dapat sa bahay si Nessa pero naririto sila ni Mikaela sa opisina, nagbabad sa pagrirepaso ng 3D presentation nito. Pareho silang nakaharap sa Macbook nito. Ito ang ipapakita ni Mikaela sa client nila. Their biggest client, so far.

“Everything should be perfect, Ness.”

Lahat ng detalye ay binubusisi ng amo. Business management graduate ito pero maalam sa AUTOCAD at mabusisi sa bawat detalye ng gagawing interior design. Ang ginagawa niya lang naman ay magbigay ng input sa babae. Nagagamit niya rin ang natutunan niya sa design subjects sa fine arts.

“Do you think, this is fine?” anito na minuwestra ang design na naka-flash sa screen. 

Natatawang tinitigan ang mukha ng babae. All these years, hindi pa niya ito nakikitang kinakabahan. Ngayon lang.

“Perfecto!” Nag-two thumbs up sign pa siya. "Lagi namang winner ang outputs mo."

Isang oras pa ang tumagal bago sila umuwi. Alas siete na, nag-aaya si Mikaela na