41

41

“Tama na kaya ang mga ito, Erika?”

Mula sa pagdidilig ng mga nakalinyang pananim sa malawak na bakuran ay napalingon siya sa mestisahing edad singkwenta y nueve’ng babae. Si Mrs. Cruz na hawak sa kamay ang nakaplorerang ornamental plant na kasalukuyan nitong nilalagyan ng pataba.

Napangiti siya habang tinititigan ang engrossed na nakatatandang babae na para bang batang ngayon lang natutuhan ang panananim gayong gaya niya ay magaling sa paghahalaman. Parang bata kung umasta si Mrs. Cruz, kumbaga, young at heart.

“Opo, Mrs. Cruz.”

“Basta sabi mo okay na, Erika, go na ako.”

Ang pangalawang pangalan niya ang mas pinili niyang gamitin ngayon. Parte ng pagbabagong buhay niya. It's been six months when she came to Iligan City. Dito, bagong adjustment na naman ang ginagawa niya, bagong pakikisalamuha at kahit papaano ay nalilinya sa landscaping ang bago niyang trabaho. Twice a week kung magpalit sila ng mga pananim kaya