Seventeenth Trip: Debut Party

ALMHERA'S POV

Malakas na tugtog at hiyawan ang umalingawngaw sa buong mansyon nina Christine nang magsimula ang kaniyang debut party. Masayang sumasabay sa pag-indak ang mga dumalo sa pinatugtog ng DJ. Ang iba naman ay abala sa paglangoy sa swimming pool na may iba't ibang kulay na mga ilaw. Habang ang iba naman ay may sariling mundo sa kanilang mga mesa at abala sa pakikipag-usap sa kanilang mga kasama.

Samantala heto ako, abala sa pagkain ng iba't ibang putahe rito sa buffet na nakahanda sa mahabang mesa. Pilit akong napangiti sa serbidorang nakaarko na ang kilay sa akin dahil sa pangatlo ko na itong pagkuha ng pagkain.

"Pasensya naman po, masyadong masarap ang mga pagkain na nakahanda at hindi ako nakakain kaninang tanghalian," wika ko sa aking isipan pagkatapos akong bigyan ng pagkain ng serbidora.

"Almhera girl! What are you doing there? Come on, join us! "

Napatigil ako sa pagsubo ng pagkain nang marinig ko ang sigaw ni Christine. Nakita ko itong kumikimbot habang may hawak it