Nagugulat akong tumingin kay Alyson dahil sa sinabing niyang 'yon. Hindi ko aakalaing gano'n kalaki ang halaga ng keychain no'n sa buhay ni Clinthon. Talagang ikakamatay niya kung hindi ko naibalik sa kaniya ang keychain no'n.
Nakita ko naman ang biglaang gulat sa mukha ni Alyson pagkatapos niyang bitiwan ang mga 'yon. Naramdaman kong ayaw niyang pag-usapan ang tungkol do'n. "Maraming salamat sa paniniwala mo, Alyson. Pasensya na sa 'yo ha, nagkagulo pa sa Training Room niyo kanina dahil sa 'kin," aniya ko. Nagkukunwaring hindi narinig ang sinabi ni niya kanina.
Lumiwanag naman ang kaniyang mukha dahil sa sinabi kong 'yon. "Ano ka ba, ate. Wala po kayong kasalanan do'n. Ako nga po sana ang hihingi ng pasensya sa inyo dahil sa mga sinabi ni Kuya Clinthon sa 'yo," aniya ni Alyson habang pinupunasan ang magkabila kong mata gamit ang kanyang hinlalaki.
“Learning a computer programming language is very easy compared to writing good programs and using the language effectively. For a beginner, it might take 4-5 months to learn a new Programming language where as perfecting the programming skills including the design, debugging, and maintenance might take more than 3 to 4 years. To become an excellent programmer, one need to work hard,” mahabang pagtatalakay ni Ma’am Guanzon sa harap.Kasalukuyan kaming nakikinig sa kaniyang pagtatalakay tungkol sa Major Subject namin sa kaniya, ang Programming. Napatigil ako sa pakikinig nang may narinig akong munting hilik. Napabaling ako sa aking katabi nang do’n nagmumula ang hilik na 'yon. Napabuntong-hininga na lamang ako nang makita kong mahimbing natutulog si Sedrick. Munting hilik niya pala ang aking narinig, may patulo laway pa siya.Agad kong niyugyog ang balikat niya para magising ito. Napau
"Almhera, can we be friends?" kinakabahang tanong niya sa akin na nagpangiti sa akin. "Oo naman, Sedrick. But I have one condition." Sumilay naman ang malawak niyang ngiti dahil sa sinabi ko."O sure, what is it?" sabik niyang tanong sa akin."You need to learn how to speak Tagalog. That is my condition."Nakita ko ang biglaang paglaho ng ngiti sa kaniyang mukha nang marinig ang naging kondisiyon ko. Napipilitang napangiti ito habang pakamot-kamot sa kaniyang ulo. Natawa naman ako sa naging reaksyon niya.Ngunit sa huli, sumang-ayon din ito sa naging kondisyon ko at nagpatuloy na kami sa paglalakad patungo sa aming silid-aralan. Pagkapasok namin sa aming silid-aralan ay siyang pagpasok naman ng aming guro. Pagtatalakay at pagbibigay ng pagsusulit ang ginawa ng aming guro. Ganoon din ang ginawa ng iba naming guro pagdating ng hapon.Ma
"Ito na ang baon mo, Almhera. Good luck sa exam mo mamaya, ha. Alam kong kaya mo 'yan at huwag kang magpapagutom." Pagpapaalala sa akin ni Mama habang nagsusuot ako ng sapatos. Samantala sina Papa't Brayson naman ay kasalukuyan pang kumakain ng agahan. "Opo naman po, Mama. Salamat po," aniya ko, sabay halik sa pisngi niya pagkatapos kong masuot ang aking sapatos. Nagpaalam ako sa kanila saka ako pumanhik papalabas ng bahay. Alas sais y medya pa lamang ng umaga ngunit kailangan maaga ako makapunta sa MHU. Midterm exam na namin ngayon at bawal mahuli sa flag ceremony na magsisimula nang alas siyete. Kasalukuyan akong naglalakad patungo sa sakayan ng Jeep. Habang naglalakad, kinuha ko muna sa bag ko ang ilang pirasong papel. Nakatala roon ang aaralin ko sa Midterm Exam namin ngayong araw. Abala ako sa pagbabasa ng aking mga aralin nang biglang dumating ang Jeep. Pagkaupo ko sa loob, napaiwas agad ako ng paningin sa aking kaharap. Ang
Napahugot ako ng hangin pagkarating ko sa tapat ng eskinita. Ilang buwan na rin ang nakakalipas mula nang mangyari ang insidenteng muntikan akong ma-hold up. Subalit hindi pa rin mawala-wala sa sistema ko ang trauma dahil sa pangyayaring napagdaanan ko. Napabuntong-hininga na lamang ako't pilit hinakbang ang aking mga paa papasok sa eskinita. Pilit kong kinakalma ang sarili mula sa kabang bumabalot sa 'king sistema. Ngunit mas tumindi ang nararamdaman kong kaba nang biglang pumasok sa aking isipan ang nangyari sa 'kin noon dito sa eskinita. Biglang nagtindigan ang aking balahibo nang matanaw ko 'di kalayuan ang madilim na parte ng eskinita. Huli ko lang namalayan napatigil na pala ako sa paglalakad nang makita ko ang parteng 'yon. Almhera, kaya mo 'to. Matagal na nangyari ang insidenteng 'yon. Pagkumbinsi ko sa aking sarili habang mabagal pinagpatuloy ang paglalakad. Palubog na ang araw ngayon, kaya mas nada
Nalasahan ko ang sariling dugo dahil sa pumutok kong labi mula sa malakas na pagkakasampal sa akin ni Kira.Pilit akong tumayo mula sa pagkakaupo sa lupa. Nanginginig akong napaatras nang mas lumapit silang lima sa kinaroroonan ko. Napahiyaw ako sa sobrang sakit nang hilahin ni Camille ang buhok ko. Pakiramdam ko, nasugatan na ang sarili kong anit dahil sa mga kuko niyang bumabaon do'n. Hindi ko mapigilang maiyak dahil sa sakit na aking naramdaman."T-Tama na... nasasaktan na ako sa ginagawa niyo," nahihirapang wika ko habang patuloy pa ring hila-hila ni Camilleang buhok ko.Humalakhak silang lima na parang baliw na nagpadagdag sa aking kaba. Marahas biglang hinawakan ni Kira ang aking baba. Naramdaman ko ang pagbaon ng kaniyang mga kuko sa aking balat mula sa mariin niyang p
Nakakasilaw na sikat ng araw ang nagpamulat sa akin. Agad akong napabangon mula sa pagkakahiga nang maramdaman ko ang tumutusok na mga damo sa balat ko. Nagulat ako nang makitang nasa gilid ako ng isang puno. Nasaan ako? Naging tanong ko sa sarili nang makitang nasa isang parke ako. Inilibot ko ang aking paningin sa paligid, ngunit kahit isa'y walang akong makitang tao. Mayroong playground sa 'di kalayuan ng kinaroroonan ko. Nagtataasang mga puno sa iba't ibang parte ng parke. Sa bawat puno, mayroong mga upuang gawa sa kahoy. Kaaya-ayang tingnan ang parkeng ito dahil sa kalinisan nito. Gusto kong mamangha sa kagandahan nito pero mas nangibabaw ang kaba't takot sa aking sistema. Anong ginagawa ko rito sa lugar na 'to? Sariwa pa rin sa isipan ko ang nangyari sa akin. Binugbog ako ng FoxyLuscious Group saka ako pinabayaan sa tatlong lalaki na sana'y gagahasain ako. Napayakap ako sa aking sarili nang maramdaman ko pa rin ang malaswa nilang paghawak sa
Kinabukasan, nagising ako sa ingay ng mga boses na nagtatalo. Napakusot ako ng aking mga mata, ngunit nagulat na lamang ako nang makita sina Giovanni, Christine, at Alyson sa harap ko. Magkaharap sina Giovanni at Alyson habang nagtatalo. Si Christine naman ay nasa gitna nila't para awatin sila."Ano bang ginagawa mo ritong tomboy ka?" singhal ni Giovanni kay Alyson."Edi dadalaw," walang ganang tugon ni Alyson sanhi upang mamula sa inis si Giovanni."At sino namang nagsabi na pwede kang dumalaw rito?!" Galit na galit na ang mukha ni Giovanni subalit kabaliktaran iyon sa mukha ni Alyson na kalmado lamang."Ako," tipid na tugon ni Alyson saka ito ngumisi kay Giovanni.Nakita kong parang sasabog na sa inis si Giovanni kaya agad akong umupo mula sa pagkakahiga para tigilan sila. Ngunit napahiyaw na lamang ako sa sobrang sakit nang makalimutan kong hindi pa magaling ang bali ko sa aking buto-buto. Napasapo ako sa aking tiyan at parang maiiyak ako dahil
Nanlaki ang mga mata ko dahil sa ginawa niya. Napatigil ako sa paghinga nang maramdaman ko ang isa niyang kamay sa likod ko habang ang isa niyang kamay ay marahang hinahaplos ang buhok ko. Hindi ko alam kung ano ang maaari kong gawin. Parang isa akong istatuwa at hindi na ako makagalaw pa."Sobra akong kinabahan sa mga oras na 'yon. Akala ko kung ano na ang nangyari sa 'yo nang mahimatay ka sa bisig ko," mahina ngunit nag-alala niyang wika sa tainga ko.Unting-unti akong napakalma at nakahinga. Ngunit natigilan ako sa sumunod niyang sinabi. "Masaya ako't maayos na ang pakiramdam mo. Masaya ako't nakaharap kita't nahahawakan ngayon."Biglang kumalabog ang dibdib ko dahil sa mga katagang binitawan niya. Ba't naging ganito ang Clinthon na kaharap ko. 'Di ba dapat malamig ang pakikitungo niya sa akin, katulad no'n 'pag magkaharap kami. Alam kong napatawad ko na siya ngunit mayroon sa sistema ko ang nagtataka sa naging akto niya ngayon.Kailan lang parang isum