CHAPTER THIRTEEN

NAKITA ni Markus ang labis na pagtutol sa anyo ni Helena nang sabihin niya rito kanina ang mga ‘kondisyones’ niya hinggil sa pagpapakasal nila.

“Ayoko sana ng engrandeng kasal, Helena. Ang gusto ko’y sa civil lang tayo magpakasal. Sa harap ng Mayor o ng Judge. At pagkatapos ng kasal, ayaw ko rin na sa mans’yon ninyo tayo tutuloy. Hahanap ako ng maliit na bahay na titirhan nating dalawa at ng magiging anak mo…n-natin.”

Napamaang si Helena. “B-baka hindi pumayag ang lola, Markus. Pinapangarap niya na makita akong naglalakad patungo sa altar. Na siya ang maghahatid sa akin. At --- gusto niya rin na kahit may asawa na ako, mananatili ako sa piling niya at hindi ko siya iiwan.”

Napabuntong-hininga siya. Paano niya ba ipaliliwanag kay Helena na gusto niyang magreserba ng kahit kaunting respeto na lang sa pagkalalaki niya?

“P-pero, once na nagkausap na kayo ni Lola, I’m sure, maiintindihan niya ang gusto mong mangyari, Markus.” bawi naman ni Helena pagdaka.

Napatango siya. Tumawa pagkuwan. “