Ika labing anim na kabanata

Pagdating namin sa Villa na pag-aari ni Veronica ay nakabibinging tugtog ng isang rock music ang sumalubong sa amin ni Mr. Hilton. Napakasimple lang ng venue nang party nito ngunit may pagka classic ang dating ng lahat. Kung susuriin mo ang mga bisita ni Veronica ay halos kaedaran ko lang din ang mga ito. Halatang mayayaman ang mga ito dahil makikita sa namimilantik nilang mga daliri at sa kanilang kasuotan na batid kong puro mga branded. Katulad ng suot ko ngayon na binili sa akin ni Mr. Hilton, simple mang tingnan ang aking suot na light brown, long sleeve polo at maong pants ngunit ang halaga nito ay umabot na sa halagang twenty thousand.

Pagpasok namin sa gate ay napalingon sa aming direksyon ang mga kababaihan na mukhang nabighani sa kagwapuhan ng boss ko. Nakadama ako ng hiya dahil hindi ako sanay sa ganitong klaseng tingin na ibinibigay ng lahat sa amin. Ngayon ko lang natuklasan kung gaano kasikat si Mr. Hilton dahil kahit saan kami magpunta ay halos kilala siya ng lahat ako la