Ika labing apat na kabanata

Naiwang tulala si Marjorie sa labas ng opisina ni Zac hindi siya makapaniwala sa mga nangyayari at labis siyang naguguluhan kung bakit siya na-assign kay Mr. Emerzon, ang tiyuhin ni Zac, bilang secretary nito. Walang nagawa ang dalaga kung hindi sundin ang naging desisyon ng kanyang boss. Anya mas mainam na sa kanya ang ganito kaysa naman ang makulong si Vernice.

Sinimulan na niyang iligpit ang kanyang mga gamit at maghanda sa paglipat sa kumpanya ni Mr. Emerzon.

Samantala sa loob ng elevator ay nanatiling tahimik ang dalawa na tila nagpapakiramdaman sa isa’t-isa. Ngunit hindi lingid sa kaalaman ni Vernice na kanina pa sinisipat ng tingin ni Zac ang kabuuan ng kanyang fiancee habang tahimik na nag-iisip ng paraan kung paano niya makakapalagayang loob ang dalaga.

Tahimik lang si Vernice na nakatayo ng tuwid habang nakasilid ang dalawang kamay nito sa bulsa ng kanyang pantalon. Iniisip niya ng mga sandaling ito kung paano pakikitunguhan ang kanyang bagong boss ng hindi sila nito nagbab