Alab

Nagkahiwahiwalay kami nina Natalia. Dahil sa bilis nang pangyayari, hindi na namin namalayang nagkahiwalay kami. Kasama ko ngayon at hawak hawak ko ang aking iniirog na si Eduardo.

Sa wakas ay nakita ko muli ang maulap at maliwanag na kalangitan. Alam ko na hapon na dahil sa init na hindi na masyadong masakit sa balat.

Nakipaghabulan parin kami sa mga nanghuhuli sa amin. Wala nang lamang bala ang baril ni Eduard kaya ang tanging ginagawa nalang namin ay magtago at tumakbo. Nagawa namang mabuwag ang mga lalaking humahabol sa amin nang magtago kami sa likod ng isang malaking kariton at nang makitang umiba na ng daanan ang mga lalaki ay nagpatuloy na rin kami sa pagtakbo.

Hanggang sa narating namin ni Eduardo, ang abandonadong pagawaan ng mga tabako na pagmamay ari nila noon. Naisipan namin ni Eduardo na dito muna magtago hangga't mainit pa sa habulan ang mga lalaki bago namin hanapin ang aming mga kasama. Nagtungo kami sa may likuran ng malawak na bodegang iyon, s