Kabanata 8

Francine POV

Pagkarating ko sa comfort room ay biglang bumuhos ang masaganang luha sa aking mata na kanina ko pa pinipigilan. Sobrang  konsensya ang nadarama ko. Sobrang bigat sa pakiramdam!

"S-sorry Crys, I'm s-sorry. Hindi kita nailigtas." puno ng hinagpis na anas ko.

Pumasok ako sa isa sa mga cubicle na narito. Baka biglang may pumasok at makita pa akong ganito. Ng nasa loob na ako ng cubicle ay inayos ko ang sarili ko.

Habang nag aayos ako ay narinig kung nagbukas ang pinto senyales na may pumasok rito. Akmang bubuksan ko na sana ang pinto ng biglang may narinig akong kausap niya sa telepono.

"Ow hello! Okay lang naman. Ikaw kamusta?" sabi nito sa kausap.

"Sigurado ka ba? Syempre! Kailangan talaga nilang magbayad sa nangyari! Hindi maaaring walang may managot, pero mag ingat ka din." bigla akong naguluhan sa sinasabi niya sa kanyang kausap pero ipinagsawalang bahala ko na lang ito.

Mabilis akong lumabas ng cubicle kung nasaan ako at mabilis na naglakad patungo sa pinto. Akmang pipihitin ko na ito ng biglang may nagsalita sa tabi ko na ikinagulat ko.

"Mukhang nagmamadali kang umalis?"  mas lalong lumalaki ang mata ko ng makilala kung sino ang nagsalita. Hindi ako pwedeng magkamali, siya ang babaeng nakita namin sa park. Iyong sinabihan ni Nathalie na baliw.

Hindi ko man lang napansin na nakalabas na pala ito sa cubicle kung nasaan siya.

"P-paanong nandito ka? P-paano ka nakapasok dito? S-sino ka?" nauutal na wika ko.

"Gusto mo bang malaman? Pero bago 'yon tatanungin muna kita. Handa ka na bang mamatay pag nalaman mo kung sino ako?" nakangising turan nito na nakapagbigay ng kilabot sa buong sistema ko.

Sino ba ang babaeng ito!

Pinihit ko ulit ang pinto para lumabas na ngunit ayaw nitong magbukas. Parang may pumipigil nito sa labas. Pagkatapos biglang nagpatay sindi ang ilaw na mas lalo kung kinatakot.

"Sino ka ba talaga? At anong kailangan mo!" buong lakas na sigaw ko habang pinipigilan ang maiyak.

Tumawa naman ito ng malakas dahilan para matigil ako. "Please lang palabasin mo na ako." mahinang bulong ko na alam kung narinig niya.

"Huwag kang matakot. Nagkataon lang na nag comfort room ako. At sa tanong mo naman I have ways kung paano ako nakapasok. Huwag kang mataranta. Wala naman akong gagawin sayo, pero siya meron." makahulugang sabi nito.

Naguluhan na naman ako sa pinagsasabi niya. Baliw ba talaga ang isang 'to o hindi? Base sa kilos at pananalita niya halatang matino naman ito. At isa pa alam kung hindi siya dito nag aaral dahil ngayon ko lang siya nakita rito.

"S-sinong siya? A-ano b-bang pinagsasabi mo?" kinakabahan na tanong ko.

Ngumiti lamang ito at bumulong sa akin na kinaatras ko. "Matalino ka hinid ba? Ano ang silbi ng pagiging top 3 mo kung hindi mo alam, Jane."

Naglakad ito ulit papalapit sakin at napaiwas naman ako pero natawa lang ito at dumiretso nasa pinto.

"Huwag kang masyadong tense napaghahalataan kang may ginawang kasalanan.Praning kana." halakhak nito bago tuluyang lumabas.

Napasalampak na lang ako sa sahig habang nanginginig sa sobrang takot. Nasa isip ko kung sino ba talaga ang babaeng 'yon at kung anong kaugnayan nito kay Crystal. May alam kaya ito sa nangyari o baka napaparanoid lang ako at iba naman ang ibig sabihin nito.

Hanggang ngayon ay hindi pa rin ako makakakilos dahil sa nangyari. Gulong gulo na ang isip ko at marami ng katanungan ang gusto kung magkaroon ng kasagutan. Oo tama ang babae kanina matalino nga ako pero sa ganitong sitwasyon at masasabi kung ang tanga ko.

Nanatiling nakaupo lang ako sa sahig, laking pasasalamat ko na lang siya at wala pang pumasok dito na mga kapwa ko estudyante. Pagkatapos ng ilang minutong pananatili ko doon ay tumayo na ako at nag ayos bago tuluyang lumabas.

Sa kabilang dako naman ay magkasama sina Kim, Nathalie at Sophia na kanina pa naghihintay sa pagbabalik ni Jane. Natapos na lang kasi ang announcement at lumabas na ang adviser nila ngunit wala pa rin ang kaibigan nila at kanina pa aligaga si Kim sa hindi malaman na dahilan, sobra ang pag aalala niya sa dalaga.

Mayamaya pa ay natanaw nila ang dalaga na naglalakad pero parang wala ito sa sarili. Agad nila itong sinalubong.

"Bakit ang tagal mo?" panimula ni Nathalie.

"San ka ba galing? Sabi mo sa restroom ka lang." segunda naman ni Sophia.

"What happen? Okay ka lang?" tanong naman ni Kim.

Napansin kasi ni Kim na parang namumutla ito at hindi mapakali.

Ngumiti lang ito ng tipid sa kanila. "Okay lang ako. May kausap lang ako na schoolmate natin kaya natagalan ako. Tara nasa canteen, nagugutom na kasi ako." untag niya.

Tumango naman sila at naglakad na papunta sa canteen. Habang naglalakad sila ay nakarinig sila ng mga bulungan na kesyo may bago daw, na may transferee at babae daw ito.

Ng marating nila ang canteen ay agad silang umorder at kumain. Panay ang tingin ni Kim kay Jane pero tulala lang ito na halos hindi ginagalaw ang pagkain.

"Okay ka lang ba talaga?" tanong nito kay Jane na ikinatigil din ng dalawa sa pagkain.

Tumango naman ito at sumubo ng kanyang pagkain. "Medyo hindi lang maganda ang pakiramdam ko."

"You should drink meds and rest Jane." anas ni Sophia.

Tumango naman ito. Pagkatapos nilang kumain ay bumalik na sila sa klase.

Habang nakaupo si Kim sa kanyang upuan ay hindi pa rin maalis ang tingin niya sa dalagang si Jane. She looks bothered but knowing her hindi 'yan magsasalita.

Natigil lang ang pagtitig nito sa dalaga  ng pumasok ang prof. nila na may kasamang babae. She's familiar! Siya yata ang transferee na pinag uusapan.

"Okay students. You have a new classmate. Please be good to her. Ms. come forward and introduce yourself." wika ng prof. nila.

Agad naman ngumiti ito at nagpunta sa harap.

"Hi everyone. My name is Kia Del Rosario your new classmates. I hope to get along to all of you. Thank you!"  pagpapakilala nito sabay ngiti pero nilibot niya ang tingin niya sa apat na magkakaibigan.

Nasa isip ni Kim kung namamalikmata lang ba siya o tama ang nakita niya na pag ngisi nito. Tiningnan niya ang tatlo at mukhang hindi nila iyon napansin.

Gulat pa rin siya hanggang ngayon ng mapagtanto na ang babae ay nakita na niya sa lamay ni Crystal.

'Bakit siya lumipat dito?' tanong nito sa isip niya.

She looks friendly but dangerous also.