Chapter 14

Thalia’s Point of view

After a one and half month, sa wakas ay tatanggalin na ang gasang nakabalot sa aking mga mata. Malalaman na rin namin kung naging matagumpay ba ang operasyon na ginawa nila sa akin. Matinding pananabik at ibayong kabâ ang nararamdaman ko ng mga oras na ito dahil sa wakas ay masisilayan ko na ang mundo at higit sa lahat ay ang mukha ng mahal kong si Ali.

Simula ng operahan ako ay hindi ko na muling narinig pa ang boses ni Ali, maging ang kanyang presensya ay hindi ko narin naramdaman. Parang gusto ko ng magtampo ngunit paulit-ulit na sinasabi sa akin ni Yaya Lani na unawain ko raw ang aking nobyo dahil abala daw ito sa kanyang mga negosyo. Anya tuwing gabi naman daw ay binabantayan ako nito hindi ko lang namamalayan ang kanyang pagdating dahil mahimbing daw kasi ang tulog ko.

Alam ko na mayroon na hindi magandang nangyayari at sinisikap lang nila na pagaanin ang loob ko. Batid ko kung gaano ako kamahal ni Ali kaya iniiwasan ko rin ang mag-isip ng hindi magandang