Kabanata 57

[ Meghan's POV ]

Pagkapasok sa loob ay agad din akong nagtanong sa staff kung saan ang venue ng event dito sa hotel. Napakalaki ng hotel at tiyak aabutin ako ng siyam-siyam kung hindi ako magtatanong.

"Nasa fourth floor po ma'am." Magalang na sagot nito at nagpasalamat ako bago umalis.

Habang nasa loob ng elevator ay hindi ko maexplain yung kakaibang kabog sa dibdib ko. Sobrang excited na akong makita at makausap si Brandon. Palakas ng palakas ang tibok ng puso ko hanggang sa dumating na nga ako sa floor kung saan ginaganap ang event.

Napakaraming mga bisita at lahat ay pormal at sosyal ang mga suot na parang napakaspecial ng event na ito.

Nagdadalawang-isip tuloy ako kung papasok ba ako o hindi lalo na't may mga guard pa na nakaabang sa ginawang entrance.

Pilit na hinahanap ng aking mata si Brandon ngunit sa dami ng tao ay bigo akong makita siya.

Sa kagustuhang makausap na siya ay naglakas-loob akong pumasok.

Hinarang ako ng isang guard at marahang tinanong. "May invitation card po b