Kabanata 48 Finding the Forsaken Wife

Nagmulat si Hanna ng mata. Puting kisame ang bumungad sa kanya. Nakita niya ang kanyang ina na nag-aalalang nakatingin sa kanya.

“Kumusta ka na anak?” naluluhang sabi nito.

“Nay, ano po ang nangyari?” Pinilit niyang bumangon.

“May tumawag lang sa bahay at sinundo kaming lahat. Pinalipat na kami ng bahay. Isusunod na lamang daw ang mga gamit.”

Napaisip siya. Malamang ay si Ethan ang nagtaboy sa kanila. Mainam na lamang at hindi siya ipinakulong nito. Sagad hangang buto ang sakit na kanyang nadarama. Hindi siya nito pinagkakatiwalaan. Hindi nito nakita na wala siyang masamang intensyon at interes sa kayamanan ng pamilya nito. Gusto lamang niyang makatulong ay napasama pa. Bumangon ang galit sa kanyang dibdib.

Laking gulat niya ng pumasok sa loob si Lola Rosa na nakangiti sa kanilang mag-ina. “Kumusta ka na, Hanna? Maari ka bang makausap?”

Tumingin siya sa ina at nakakaunawang lumabas ito.

“Tinawagan ako ni Athena, sinabi ngang dinampot ka daw ng mga pulis.”

Napabangon siya. “Lola Rosa,