Umaagos ang luha sa mga mata ni Hanna ng layuan si Ethan. Malalaki ang kanyang mga hakbang. Hindi niya alam kung saan siya pupunta. Nadinig niya ang tawag ng binata ngunit hindi niya pinansin. Alam niyang mahirap siya at hindi ang tipo nitong babae pero sana ay hindi siya nito pinag-iisipan na pumapatol siya sa ibang lalaki. Huminto ang tricycle ni Luis at pinasakay siya.“Hanna, saan mo gustong magpunta,” tanong nito.“Hindi ko alam. Basta malayo dito,” umiiyak niyang sabi.Pinaharurot nito ang ticycle na dala. Hindi na niya namalayan na halos isang oras na silang bumiyahe. Huminto sila sa isang bahay na malapit sa ilog.“Dito ka muna kung gusto mo. Bahay ito ng kapatid ko na nasa siyudad.” “Maraming salamat, Luis. Napakabait mo.”“Walang anuman. Mas makakabuti sa’yo ang malayo sa stress. Huwag kang mag-alala, sasabihan ko ang nanay mo na nandito ka. Maari mo ding gamitin ang mga gamit ng kapatid ko.”Naiwan siyang mag-isa sa loob ng maliit na bahay. Namamaga na ang kanyang mga mat
Pagmulat ni Hanna ng mata ay isang nurse at doctor ang bumungad sa kanya. Espanyol ang duktor at Pinay ang nurse. Mabigat ang kanyang pakiramdam. Dumadalas ang pagkahilo at pananakit ng kanyang ulo. Marahil ay dala ito ng maselan niyang pagbubuntis. Sinabi ng mga ito na maaari na siyang umuwi pagkaayos ng discharge papers niya at pinababalik siya for thorough checkup. May ilang tests na ginawa sa kanya at bukas daw lalabas ang resulta kaya pinapabalik siya.Bumukas ang pinto at iniluwa nito si Cali na laking gulat niya dahil kasama na nito si Dylan. At magkaholding hands pa ang dalawa! Akala niya ay siya lang ang marupok. Mas matindi pa pala ito. Dahil siya ay wala ng planong bumalik pa kay Ethan kahit magmakaawa pa ito. Napilig niya ang ulo, hindi naman siya hahabulin ng binata. Masaya na ito sa piling ng bagong kasintahan.“Ano ang nangyari sa’yo?” bungad ni Cali na puno ng pag-aalala ang tinig.“Bigla akong nawalan ng malay sa supermarket. Hindi ko nga din alam kung ano ang nangyar
Tapos ng maligo at nakabihis na si Hanna ng lumabas ng kwarto. Jogging pants at t-shirt ang suot niya. Hindi niya ipapaalam na babalik siya ng ospital. Ayaw niyang mag-alala pa ang mga kaibigan. Nadatnan niya si Dylan, Cali, at Ethan na kumakain ng agahan. Nagsabi siya na malalakad lang sa labas at babalik din agad. Iniwasan niya ang tingin ni Ethan.Hindi niya maihakbang ang mga paa papasok ng ospital. Ito ang pinakasikat na modernong ospital sa Spain. Dinarayo ito ng mga pasyente mula sa iba’t ibang bayan at maging mga karatig na bansa.Nakapila na siya sa waiting area ng Department of Neurological Surgery. Bakit siya dito pinapunta ng nurse? Madaming pasyente. Napalinga siya sa paligid. May mga naka-wheelchair at ang ibang pasyente ay walang buhok. Wala siyang sakit. Malakas ang kanyang katawan.Pumasok siya sa loob ng tawagin ng nurse ang kanyang pangalan. Babaeng Filipino ang duktor at nurse kaya nakahinga siya ng maluwag at naging kumportable ang kanyang pakiramdam. Kahit saan s
Kumabog ang kanyang dibdib. Mahal? Sino ang mahal ni Ethan? Siya o ang kanilang anak? Ayaw niyang alamin. At hindi na importanteng malaman pa niya. Hindi na niya papahirapan ang kanilang mga damdamin ni Ethan. Mas mainam na mamatay siyang hindi nito mahal. Ayaw niyang maging malapit sila ng dahil sa kanilang anak. Mas magiging madali para sa binata ang pagtanggap sa kaniyang pagkawala. At higit sa lahat ay ayaw niyang masaktan ito kapag wala na siya. Sasarilinin niya ang sakit at isasama sa hukay. Kaligayahan ang hiling niya para sa mga mahal niya sa buhay.“Ayoko ng makinig sa mga sasabihin mo,” aniya. Ayaw niyang dagdagan ang kanyang iniisip.Tumango ang binata kahit napipilitan. Alam niyang may gusto itong sabihin.“Ang sabi mo ay susundin mo ang aking gusto kapag sumama ako sa’yo.” Tumingin siya ng deretso sa malamlam na mga mata ng binata.“Oo, sabihin mo lang kung ano ang gusto at kailangan mo. Wala akong hindi ibibigay sa’yo, Hanna. Bumalik ka lang sa akin.”Niyaya niya itong m
Muling isinara ni Hanna ang pinto. Kailan pa nagkalapit sina Ethan at si Lyn? Noong nawala ba siya ay nagkaroon ng relasyon ang dalawa? Aalamin niya pag-uwi niya sa Pilipinas. Hindi maiwasang kumirot ang kanyang puso. Hindi siya makapaniwala na magagawa ni Lyn sa kanya na agawin si Ethan. Ang buong akala niya ay tunay niya itong kaibigan.Tinignan niya ang social media accounts ni Lyn. Hindi sila friends sa bagong account na gamit niya. Hindi pa niya ito nakausap mula ng dumating siya sa Barcelona. Nakita niya sa mga posts ng kaibigan tungkol sa pagtatrabaho nito sa Unicorn Marketing Agency. At may may posts din ito ng isang mystery man na boyfriend daw nito at malapit na daw silang magpakasal. May sinabi pa itong magugulat daw ang mundo kung sino ang mahiwagang lalaki.Nanlamig ang kanyang katawan sa natuklasan. Bakit hindi man lang sinabi ni Ethan at Lyn ang relasyon? Sabagay sino ba naman siya para kay Ethan. Pero si Lyn ay kababata niya at matalik na kaibigan.***Madami ng naiin
Hinabol ni Ethan si Hanna. Mabilis itong nakatawid sa kalsada at pumasok sa taxi. Hindi na niya ito naabutan. Agad niyang tinawagan si Kevin upang sundan ito. Kailangang makausap na muna niya si Lyn upang tuluyan ng tapusin ang ugnayan nilang dalawa. Matagal na niyang alam na si Hanna ang babaeng gusto niyang makasama habangbuhay. Isang malaking pagkakamali ang kumapit siya sa isang gabing pagsasama nila ni Lyn. Itatama na niya ang maling akala na mahal niya ang babaeng inangkin ng ilang ulit ng gabing iyon.“Lyn, I would like to apologize. Matagal ko na dapat sinabi sa’yo ito. This will not work. Wala akong nararamdaman para sa’yo. I just love the thought of that night na akala ko ay gusto kita. Pero si Hanna ang gusto kong makasama habangbuhay. Magkakaanak na kami. I’m sorry kung hindi ko matutupad ang sinabi ko sa’yo ng gabing inangkin kita na papakasalan kita sa lahat ng simbahan. I am always true with my promise pero hindi ko kayang tuparin ang pangakong binitawan ko sa’yo. Hindi
“Babalik na ako sa kumpanya. Kapag may kailangan ka ay magsabi ka lang,” paalam ni Ethan kay Hanna matapos itong maghugas ng pinagkainan nilang dalawa na ayaw magpaawat sa paggawa ng gawaing bahay.Nakaluwa ang kanyang mga mata habang pinapanood ang binata sa paghuhugas ng plato. Kailan pa naging sexy ang paghuhugas ng pinggan? Nakahantad pa din kasi ang katawan nito na tanging apron lang ang suot na pang-itaas. Inalis nito ang apron at nagutom ulit siya ng makita ang pandesal nito. Napalunok siya ng ilang ulit. Kaninang nagmamasa ito ng pasta ay pakiramdam niya ay siya ang nilalamutak nito. Naging madumi na ang kanyang utak! Palihim niyang kinurot ang sarili.“Pwede bang magtrabaho at bumalik sa Unicorn Marketing Agency? Nabo-bored ako sa bahay lang. Hindi ako sanay ng walang ginagawa,” aniya ang tapunan siya ng tingin nito.Wala pang pagkakataon sa buhay niya na tumambay siya sa bahay. At isa pa ay kapag wala siyang ginagawa ay kung ano ano ang pumapasok sa kanyang isipan. Baka maun
Muling nagpumilit lumapit sa sunog si Ethan. Hinarang siya ng limang bumbero. “Andyan ang asawa ko. Kailangan niya ako!” Pinagsusuntok nito ang mga pumipigil upang makabalik sa kotse.“Ethan, andito ako,” sabi ni Hanna na hilam din sa luha ang mata ng hindi niya mahanap ang binata sa kung saan niya ito nakita bago siya tumawid ng kalsada. Bumili siya ng taho kay manong na nakipagkwentuhan pa sa kanya. Sinakmal ng matinding nerbyos ang kanyang katawan sa malakas na pagsabog. Nanginginig pa siya hanggang ngayon sa isiping napahamak si Ethan.Agad siya nitong niyakap ng mahigpit. “Okay ka lang ba? Hindi ka ba nasaktan?”Humahagulgol siyang tumango. Ikinulong nito sa mga kamay ang kanyang mukha.“Ikaw? Ano ang nangyari? Hindi ka ba nasaktan?” aniya. Madungis ito at may pasa ang mukha. Sunog din ang alon alon nitong buhok. Pati ang ilang parte ng damit nito. Parang may sumakmal sa kanyang puso.“Okay lang ako. Importante ay maayos ang lagay ninyo ni baby.” Hinawakan nito ang kanyang tiyan.