Kabanata 74 Bring Back Memories

Isinugod sa ospital si Bella at dinala naman si Lyn sa presinto. Nag-aabang sa labas ng emergency room si Lola Miranda. Masama ang bagsak ng ulo ni Bella sa semento. Ipinakulong niya si Lyn dahil sa ginawang tangkang pagpatay sa apo. Kailangan niya ito ng buhay. Dalawang buwan na lamang ay kaarawan na nito. Baka mabulilyaso pa ang perang makukuha niya.

Lumabas ang duktor makalipas ang mahigit na isang oras na operasyon. Matagumpay ang surgery upang alisin ang namuong dugo sa ulo ni Bella dala ng pagtama nito sa semento. Malaking factor din na dalawang beses na itong dumaan sa brain surgery kaya masama ang epekto ng pagbagok ng ulo nito. Wala pa din itong malay at under observation sa ICU.

Kausap ni Lola Miranda si Luis. Umuusok ang ilong nito sa galit dahil sa nangyari.

“Ikaw Luis, wala kang kwenta. Isang babae hindi mo masiguro ang kaligtasan. Malapit na akong mapuno sa’yo. Isang mali mo pa, may kakalagyan ka!”

“Lola Miranda, hindi ko inasahan na may nakasunod pala kay Ms. Bella at m