Kabanata 77 Wanting More

Agad bumaba ng sasakyan si Bella. Sa puso niya ay gusto niyang protektahan si Ethan. Hindi siya papayag na makita ito ni Luis at mabugbog.

“Bakit mo ako hinahanap, Luis?”

“Baka kako kailangan mo ng tulong. Kanina ka pa diyan.”

“Ah hindi, may hinanap lang akong papeles.”

“Gusto mo ba na ibaba na nating lahat ng gamit sa sasakyan? Para hindi ka na pabalik balik.” Naalarma ang utak niya sa sinabi nito.

“Hindi na. Tara na, ang init.” Napakapit tuloy siya sa braso ng lalaki kahit ayaw niya upang ilayo ito.

Balisa siya habang nagbabasa ng mga reports. Hindi siya makabalik sa kotse, nakaupo sa hindi kalayuan si Luis. Lumabas pa si Lola Miranda na kasalukuyang nagkakape sa kabilang mesa.

Inabot na ng tanghalian. Baka naiinitan, nagugutom, at nauuhaw na si Ethan. Teka, bakit sobrang concern siya? May kaugnayan nga yata silang dalawa. Pero hindi ito ang lalaking may malinaw na mukha sa kanyang alaala noong tila nag-aaral siya sa kolehiyo. Hindi kaya ito ang lalaking umangkin sa kanya sa panagin