Kabanata 147 Bridal Shower

Nasa isang eleganteng bridal shop si Mira, nakasuot ng puting gown na simple pero napakaganda at elegante, may mga bulaklak at kristal na burda sa laylayan. Nandoon sina Nanay Mel, Maya, at si Lolo Mario na halatang abot-tenga ang ngiti habang tinitingnan ang apo sa salamin.

“Naku, anak… parang kahapon lang, bata ka pa na mahilig tumakbo sa palayan at madalas madapa. Ngayon, bride ka na. Ang ganda-ganda mo.”

“Ate, para kang prinsesa! Para kang lumabas sa fairytale. Napakaganda mo.”

Si Mira ay bahagyang tumingin sa salamin, kontento siya sa simpleng ganda ng gown.

“Gusto ko nga sana mas simple pa dito.”

Biglang nagsalita si Lolo Mario.

“Simple? Aba, apo, hindi puwede! Ikaw ang magiging pinakamagandang ikakasal sa buong bayan! Ilagay natin ng diamonds sa laylayan, tapos emerald sa veil! Dapat kumikinang ang damit mo mula altar hanggang reception!”

Nagtawanan sina Maya at Nanay Mel, pero siya ay napailing, bahagyang nahihiya.

“Lolo, baka magmukha na akong Christmas tree n’yan.”

“Tama si