bisto

Papaalis na sana si Jillian para makipagkita kay Jared upang magkaayos na sila ay siya namang nagkaroon ng emergency sa bahay nila. Bigla na lang kasing sumakit ang tiyan ng kapatid niyang si duday at suka nang suka. Nakabihis na at lahat si Jillian at nai-send na niya kay Jared ang location ng pagtatagpuan nila pero mas inuna niya ang kapatid na halos namumutla na sa kakasuka.

Kasama ang kapatid niyang si Nene ay isinugod nila si duday sa pinaka malapit na ospital. Sa pagkakataong iyon ay hindi iniisip ni Jillian ang pera gawa nga ng may pera naman siyang hawak na siyang galing kay Mr. Oman. Ang iniisip niya ay ang kaligtasan ng kaniyang kapatid.

At dahil private hospital ang napagdalhan niya ay nabigyan naman si Duday ng wastong atensyong medikal. "Mabuti at nadala niyo siya kaagad sa ospital. Food poisoning po ang naging rason ng kaniyang pagsusuka. Maaaring nakakain ang pasyente ng kontaminadong pagkain. Sa ngayon ay safe na ang pasyente at kailangan na lang maubos ang swero sa ka