move on

JILLIAN'S POINT OF VIEW

Since that night, hindi na kami muling nagkita ni Jared. Marahil ay sobra ko siyang nasaktan sa aking pagiging emosyonal noong gabi na iyon kaya dalawang buwan na niya akong natitiis.

Miss na Miss ko na siya. Ngayong okay na ako ay gusto kong mag-sorry sa kaniya. Gusto kong maayos ang sa amin ngunit hindi ko alam kung paano ko iyon gagawin gayong hindi nga siya nagpapakita.

Sa company pa rin nila ako nagtratrabaho at ang mommy niya ang siyang boss ko ngayon. Hindi niya binabanggit kung nasaan ang anak niya at hindi ko rin naman magawang itanong dahil labas ito sa aking trabaho.

Bagamat lingid sa kaalaman ng kaniyang magulang ang naging relasyon namin ay kataka-takang hindi nila ako inaalis sa kompanyang ito. Mabait naman sa akin ang madam CEO kaya lang ay hindi niya talaga inoopen ang tungkol sa anak niya. Kung nasaan na ba ito o ano na ba ang pinagkakaabalahan nito at bakit hindi na ito nagpapakita sa office.

Sa araw-araw na ginawa ng Diyos ay lalo