Chapter 44 PART 2

Itinuon ko sa labas ang aking paningin para hindi na ako ma-distract pa sa kanya. Hindi ko alam kung saan kami kakain at wala na rin akong balak na magtanong dahil ayaw ko siyang kausapin.

“Where do you want to eat?”

Muntik na akong mapairap nang marinig ang tanong niya. Ayaw ko ngang tanungin siya pero siya naman itong nagtanong.

Gumagawa lang ba siya ng paraan para kausapin ako o sadyang gusto niya lang akong tanungin?

“Ikaw na'ng bahala,” sabi ko nang hindi siya nililingon.

“Okay. Let’s eat in my place.”

Agad akong napalingon sa kanya nang marinig ko ang sinabi niya. Pakiramdam ko naipitan pa ako ng ugat sa leeg dahil sa biglaang paglingon ko.

Nakangisi pa siya at nakatuon sa kalsada ang atensyon. Mukhang nag-e-enjoy siya sa ginagawa niya ngayon.

“What? No way. I’d rather starve myself to death than to go to your house,” I blurted out.

Hindi ko na napigilan ang sarili ko na sabihin iyon. Pansin kong nawala ang ngisi sa labi niya. Pero wala na akong balak na bawiin ang sinabi ko.