Chapter 6

Pagkatapos kumain ni Lovely ay sabay na kaming nagtungo sa kanya-kanyang building namin. Nasa isip ko ang sinabi niya kanina.

Kapag nahuli kaming dalawa ni Arc sa ginagawa namin, hindi ko alam ang magiging reaksyon ni mama at ni Tito Rayver. Ang pinakamalalang p'wedeng mangyari ay maghiwalay sina mama at Tito Rayver.

Ayos lang kung mapalayas ako, pero hindi kakayanin ng konsensya ko kapag nasaktan si mama nang dahil sa akin.

Mabilis na natapos ang lahat ng klase ko ngayong araw. Nag-aayos ako ng gamit habang abala sa pag-uusap ang mga kaklase ko. Ang lalakas pa nga ng mga boses nila.

“Lian, gusto mo bang sumama sa ‘min?”

Tumingin ako kay Daniela, ang class representative namin. Kumunot ang noo ko.

“Saan?” tanong ko.

“Birthday ko ngayon. May party sa bahay invited kayong lahat. Punta ka, ha?” sagot niya.

Sumulyap ako sa aking relo at nakitang alas tres na. Papasok pa ako sa trabaho.

“Susubukan ko. May trabaho pa kasi ako baka seven o'clock pa ang out ko,” paliwanag ko.

Ngumiti siya