28.

Samantala...

"Tama na, Marjo! N-Nasasaktan ako— Acchhk," Halos mawalan ng ulirat si Erza sa higpit nang pagkakasakal sa kanya ni Marjo Darmilton, ang kanyang asawa.

Mas dumiin ang kamay ni Marjo sa leeg ng asawa. "Talagang masasaktan ka sa akin púnyeta ka! Kung hindi ka tumakas noon ay baka nabigyan mo pa ako ng isang lalaking anak! Wala kang silbi! Pagkatapos kong ibigay sa'yo ang lahat ay tatakasan mo lang ako!" Hindi nito matanggap ang ginawa ni Erza labing anim na taon na ang nakararaan.

Padaskol na binitawan ni Marjo si Erza, pinagpag nito ang suot na polo shirt, inayos ang buhok na para bang walang nangyari at sinaktan. "Magkakaro'n ako ng meeting sa kliyente kong si Mr. Choi. Bigatin ang koyenong ito, malaki ang naipapasok niyang pera sa negosyo ko. May anak siyang lalaki at nagkasundo kami na ipapakasal namin ang anak namin. Sa oras na makita ko ang mga anak ko ay wala ka nang magagawa para pigilan ako sa mga balak ko, Erza. Kabayaran ito sa hindi mo pagbibigay sa akin ng anak