CHAPTER 12

AMBER RIZALYN JOY...

"Akin na ang braso mo Amber at ng magamot ko na ang mga sugat at kalmot mo," utos sa kan'ya ni nanay Teresita.

Iniumang n'ya ang braso rito at sinimulan na nito ang paggamot sa mga sugat n'ya. Napangiwi s'ya dahil sa hapdi sa tuwing dadampi ang bulak na may antiseptic sa kan'yang balat.

"Ano ba kasi ang nangyari sayong bata ka? Bakit mo hinayaan na saktan ka ng babaeng iyon?" usisa ng ginang sa kan'ya.

"Nagtatrabaho po ako sa kan'ya nay," mahinang sabi n'ya rito na ikinatigil nito at may hindi makapaniwalang tingin na nag-angat ng tingin sa kan'ya.

"Anong sabi mo? Nagtatrabaho ka sa kan'ya? At paano nangyari iyon? Paano ka napunta sa lugar na iyon at nagtrabaho sa palengke?" sunod-sunod na tanong ni nanay Teresita sa kan'ya.

Napayuko s'ya at biglang nahiya sa kan'yang sitwasyon. Kilala s'ya nito na mayaman at namumuhay na parang prinsesa ngunit sa isang iglap ay ito ang kinahinatnan n'ya. Mas masahol pa s'ya sa pulubi na walang mapupuntahan.

"P-Pinalayas po ako s