Chapter 2: Hired bilang Kasambahay sa Mansyon

Halos di ako makatulog simula kagabi pagka uwi ko dito sa apartment. Hindi ko makalimutan ang nangyari kagabi sa club. Hindi naman ako interesado at sadyang nag init lang ang aming mga katawan kagabi pero ewan ko ba, hindi ko alam na kahit kagabi lang kami nagkakilala ay sobrang gaan agad ng loob ko sa kanya.

Tumawag na sa akin nitong umaga ang ina-applyan kong trabaho. Sa mansyon ako nag apply bilang isang kasambahay. May job experience naman ako sa mga mall bilang sales lady pero naisip kong mag apply rito sa mansyon, malaki kasi ang offer nilang sahod saka at least hindi na ako mamomroblema pa sa pangbayad ng renta sa apartment. Kailangan ko narin makapag ipon, gusto kong mag travel kahit saang lugar para mas makalimutan ko ang lahat ng masalimuot na nangyari. Hindi biro ang mga pinagsamahan namin ni Jordan para makalimutan ko kaagad, pero bakit parang sa kanya ay madali at mabilis niya lang akong ipinagpalit sa matalik kong kaibigan.

Papunta na ako sa may Parañaque, naroon ang mansyon na ina-applyan ko, tumawag sa akin kanina ang mayordoma ng mansyon, nagtanong ng ilang basic questions at sa personal background ko, mabuti naman at wala ng interview sa personal, lahat daw ay phone interview lang at agad akong pinapapunta para makapag simula na agad sa trabaho.

Nakarating na ako ngayon dito sa mansyon, mataas ang tarangkahan at di matanaw ang nasa loob nito, sa may maliit na tarangkahan na pasukan ng tao ay may doorbell at agad ko itong pinindot. Bumukas ng bahagya ang silipan sa may tarangkahan at may sumilip at nagsalita.

"Sinong na riyan? Anong kailangan niyo?" sambit nito. Tumapat ako sa maliit na tarangkahan upang matanaw ako ng taong nasa loob.

"Si Thea Reyes po ito." Pakilala ko sa kanya. "Ako po ang natanggap bilang bagong kasambahay dito sa mansyon," dagdag kong tugon sa kanya

Dahan dahan itong bumukas, agad kong natanaw ang malawak na loob ng bakuran at ang mansyon ay nasa dakong malayo mula rito sa kanilang malaking gate.

"Pumasok ka na iha, naghihintay sa iyo ang mayordoma sa may entrada ng mansyon," saad ng gwardiya habang nakaturo sa daan papuntang mansyon.

"Salamat po, tutuloy na po ako," tugon ko.

Agad akong lumakad papunta sa entrada ng mansyon, at sa di kalayuan ay natanaw ko ang mayordoma na nakatayo sa mismong pintuan papasok ng mansyon, nakatingin siya sa akin na parang may pagtataka.

"Magandang umaga po, ako po si Thea Reyes," pagbati ko sa kanya. "Ako po ang bagong kasambahay na natanggap po ninyo kaninang umaga," dagdag kong paliwanag.

"Ikaw pala yan Thea? Maganda at makinis pala ang kutis mo sa personal, sigurado ka ba sa desisyon mo na dito magtrabaho sa loob ng mansyon?" pagtatanong nito sa akin habang tinitignan ako mula ulo hanggang paa. "Ilang taong gulang ka na ba iha?"

"27 years old na po ako, at opo, siguradong sigurado po ako na gusto ko po magtrabaho dito sa mansyon," sagot ko sa kanya. Nabigla ang mayordoma sa aking sagot, akala niya ay bata pa ako, sakto lamang ang aking tangkad, maputi at makinis ang kutis at may balingkinitan na pangagatawan, may katangusan ng kaunti ang aking ilong, bilugan at makinang ang mga mata at mapupula ang labi.

"Kung sigurado ka na talaga ay sige at ililibot na kita sa loob at labas ng mansyon."

Nagsimula na kaming pumasok sa loob, inikot at pinuntahan ang bawat sulok ng mansyon, manghang mangha ako sa aking nakita, halos di ko na naintindihan ang mayordoma sa kanyang mga paliwanag dahil sa pagkamangha ko sa laki at ganda ng mansyon. Nagpatuloy kami at nilibot din ang hardin at swimming pool sa likuran ng mansyon. Puno ng magagandang halaman ang hardin at malinis ang tubig sa pool.

"Thea, naintindihan mo ba ang lahat ng pinaliwanag ko sayo tungkol sa gawain sa mansyon, sa mga bawal at dapat gawin?" tanong nito sa akin.

Hindi ko naintindihan ang lahat ngunit wala na akong nagawa kundi ang tumango at sumagot sa kanya,

"Opo Ma'am, naintindihan ko po ang lahat ng sinabi ninyo," aking wika habang kinakabahan dahil di ko talaga alam kung ano ang mga sinabi niyang rules.

"O sige, tapos na ang paglibot ko sayo sa mansyon, pumunta ka na sa kuwarto mo at magbihis." Utos nito sa akin at iniabot ang tatlong balot ng uniporme sa akin.

Nagpunta na ako sa aking kuwarto at nagbihis ng aking uniporme bilang kasambahay, inayos ko muna ang aking mga gamit sa may aparador at umupo sandali upang ihanda ang sarili sa trabaho. Maya maya ay may kumatok sa aking kuwarto, ang mayordoma pala na kanina pa ako hinahanap.

"Thea! Lumabas ka na at magpunta sa kusina, ihanda mo na ang hapunan para sa ating mga amo!" pautos na sambit nito.

"Opo! Papunta na po ako!" dali-daling pagsagot ko.

Gabing gabi na kung sila ay maghapunan dahil sa kabi-kabilang pagka busy sa kanilang negosyo. Nagmamadali na akong nagtungo sa may kusina at ihinanda ang hapag kainan, inilagay ang bawat kubyertos at ang mga pagkaing pagsasaluhan.

Dumating ang aming boss, ang mismong may-ari ng mansyon at ang butihing may bahay nito. Umupo na sila at magsisimula na sanang kumain ng biglang...

"Sir. Madam. Nandito na po ang inyong anak," sambit ng mayordoma.

"Sige, salubungin na ninyo at papuntahin dito sa dining area para sabay-sabay na kaming maghahapunan," tugon ng ina.

"Mukhang naka-inom po muli ang inyong anak, madam, hirap po siyang bumaba ng sasakyan at hindi makausap ng maayos," paliwanang ng mayordoma. Napa-iling na lamang ang aming boss at inutusan ang mayordoma na tulungan ang anak nito na maihatid sa kuwarto.

Lumingon sa akin ang mayordoma at sa dalawa ko pang kasama na kasambahay at sinabi...

"Sumunod kayo sa akin."

Agad naman kaming sumunod papunta sa labas ng mansyon, pagtutulungan daw naming tatlo ang lasing na anak na ipasok sa mansyon at dadalhin sa kanyang kuwarto. Paglabas ko ng pintuan ay nagulat ako sa bumungad sa akin, ang lalaking ito pala ay ang naka one-night stand ko sa club at anak ito ng aking boss.

"Shit! Paano na ito? Paano kung mamukhaan niya ako? Paano kung maalala niya ang lahat ng nangyari noong gabing nasa club kami at sa loob ng sasakyan niya sa parking area?" tarantang pagkausap ko sa aking sarili habang kinakagat ang aking daliri.

Natulala ako at pinagpapawisan, nag-aalala ako na baka makilala niya agad ako at kung ano ano ang sabihin dahil siya ay lasing. Pinakalma ko ang aking sarili at nag-isip ng puwedeng mai-dahilan para maka-alis agad sa sitwasyon.

"Ahhhmm, ma'am, kailangan ko po bumalik sa may kusina, naiwan ko po pala na naka buhay ang kalan at may niluluto pa po akong pagkain..." paliwanag ko sa mayordoma habang akmang tatalikod at lalakad na paalis.

"Ha?! Pero kailangan ka dito para matulungan si Sir!" wika nito. Nagbingi-bingihan ako at tumuloy na pabalik sa loob ng mansyon, mabilis ang aking paglakad kasabay sa bilis ng kabog sa dibdib ko. Napakamot na lamang ng ulo ang mayordoma at dalawang kasambahay.

"Sige, sige, tayo na lang ang magtulong na madala si Sir sa kuwarto niya" pautos na sabi ng mayordoma sa dalawa pang kasambahay kasunod ang pagbugtong hininga.

Mabilis akong nagtungo sa aking kuwarto, isinara ang pintuan at umupo sa may kama, nakayuko ako at nakahawak sa aking ulo habang nag-iisip kung ano ang dapat kong gawin. Nagsabi nalang ako kina madam na masakit ang ulo ko kaya kung puwede ba ay magpahinga lang ako saglit. Mabuti naman ay pumayag rin sila.

---------

Nagising ako sa lakas ng katok ng aming mayordoma at sa kanyang pagtawag sa akin. Hay... umaga na pala, nakatulugan ko na ang pag iisip kung ano ang dapat kong gawin sa sitwasyong ito, pero hindi naman niya na siguro maaalala ang mga nangyari noong gabing iyon kasi lasing na lasing siya. Mabuti rin at nakatulog agad si Sir Alexander kagabi.

Bumangon na ako at mabilis nagtungo sa kusina, ako kasi ang nakatoka ngayon sa pagluluto at paghahanda ng agahan para sa aming mga amo. Kumakanta ako habang nagluluto dahil mahilig rin talaga akong kumanta saka pakiramdam ko ay masarap ang magiging resulta ng aking niluluto kapag may kasamang tinig. Sa kalagitnaan ng pagluluto ko ay may biglang nagsalita.

"Ate, may mainit na tubig po ba? Sobrang sakit kasi ng ulo ko."

Paglingon ko ay si Alexander pala. Muntikan ko ng mabitawan ang siyanse na hawak ko. I can't stand anymore here. Nakakahiya kasi ang nangyari sa amin noong gabing iyon dahil bigla nalang akong umalis. Naaalala pa kaya ako nito? Humarap ako at kunwaring walang nangyari sa aming dalawa at parang ito ang una naming pagkikita.

"M-magandang umaga po sir. Mainit na tubig po ba? kuha po muna ako sir," pautal na pagsagot ko sa kanya dahil sa aking kaunting kaba

"S-sorry. Bagong kasambahay ka ba dito? Sige, paki hatid nalang sa kwarto ko." pagtatakang sambit nito at lumakad paalis pabalik sa kanyang kuwarto