Chapter 4: Soon to be husband ako ni Thea.

Nagising akong katabi si Alexander akala ko ay tuluyan ng may nangyari sa amin iyon pala ay nakasout na ako muli ng aking damit. Agad akong lumabas mula sa kuwarto niya at lumingon kaliwa't kanan baka may makakita sa amin. Sa nangyari kagabi napaisip ako na mabuti rin pala ang puso ni sir Alexander pero bakit kaya lagi siyang naglalasing at parang ayaw niyang mamahala sa negosyo nila? Teyka, ano ba ang pakialam ko? Naiinis ako sa sarili ko.

"ayan ka nanaman Thea, paano kung masasaktan kana naman?" turan ko sa isip ko.

Kakauwi lang ni mayordoma ngayong umaga, nasa hospital pa ang Ama ni Alexander. Sabi nito, kung puwede ay ako raw muna doon magbantay. May caregiver naman raw si Mr. Fuentes kaso pinaalis rin daw dahil mapili daw itong Ama ni Alexander sa mag aalaga sa kanya. Baka naman ma sisante ako nito kapag hindi rin niya ako magustohan.

Ngayon alas-diyes y medya ng umaga raw ang alis ko papuntang hospital. Ano ba naman 'to si manang violy, iyan kasi raw ang pangalan niya huwag na raw ako tawag ng tawag ng mayordoma. Bakit naman biglang ako ang pupunta ng hospital. Inihanda ko na ang mga kailangan kong dalhin sa hospital at nagdala narin ako ng pamalit ko na damit. Sisiguraduhin lang nilang may bonus akong matatanggap sa pasko kun'di talagang... talagang wala akong magawa.

Bitbit ko ang bag para ipasok sa sasakyan, ang maghahatid sa akin ay ang driver dito sa mansyon ngunit biglang lumabas si Alexander na nakabihis na at tila ay aalis rin. Inagaw sa akin ang bag at sinabing siya nalang maghatid sa akin. Sinalakay ako ng kaba na baka ay mapansin ni manang violy kung ano ang namagitan sa amin ni Alexander. I mean, wala naman talagang kami ni Alexander pero natatakot lang rin talaga ako na baka mahalata nila na magkakilala na kami ni Alexander bago pa ako na hired dito.

"Sa akin kana sumabay Thea, pupunta lang rin naman ako sa hospital."

"Ay, hindi sir. Sabi ni manang kay kuya raw ako sasabay."

"Ay, hindi sir." pag ulit ni manang violy sa sinabi ko habang nakangiwi ang mga labi nito, iyong bang boses na nang-aasar.

Napatingin ako kay manang, loko to si manang ah! Tinulak niya ako papuntang sasakyan ni sir Alexander.

"Sige na, sige na, Thea, aba'y sumabay kana para makarating ka ng maaga roon," wika niya.

Aba'y manang violy baka kako may gusto karin kay sir Alexander, magsabi ka lang magpaubaya naman ako.

Pinaandar na ni sir Alexander ang kanyang sasakyan at papunta na kami ng hospital. Sa sobrang traffic ay hindi maiwasan magtanong ni Alexander sa akin.

"Are you okay?" Sabay kinuha ang kamay ko.

Kagabi pa itong si sir Alexander, akala ko ay lagi nalang kaming mag aaway dahil hindi kami magkakaintindihan. Mali pala ang nasa isip ko.

"Okay lang naman ako, why?"

"W-wala, nagtatanong lang, bawal ba?"

Ngumisi lang ako at sabay binitawan ang kamay niya.

"Ano kaba, nagtatanong lang rin naman ako."

Hindi ito umimik at nagpahurorot na ng sasakyan. Sabi niya ay dadaan lang raw muna kami ng supermarket. Nag-usap kami na hiwalay kaming mamili dahil ayaw kong masabi ng iba na jowa ko siya lalo na't kilala pa naman ang pamilya nila.

Naglalakad ako rito sa loob ng supermarket sa mga chocolates section, mahilig rin kasi ako sa mga tsokolate. Marami naman sana doon sa ref ng mansyon kaso nakakahiya kasing kumuha. Abala ako sa pamimili ng ibat-ibang klaseng tsokolate na bibilhin ko, biglang nahulog ang isang piraso sa may paa ng taong nakatayo malapit sa akin. Pinulot ko ito at agad akong tumayo ngunit pagtingala ko ay dalawang taong nag traydor sa akin ang nakita ko ngayon, magkahawak ang kanilang kamay habang ang babae ay may tulak tulak na grocery basket. Nasilayan ko ang laman nito. Mga kagamitan sa kusina.

"Ah, magkasama na pala sila sa isang bahay."

Ang nagpabasag sa aking damdamin ay pareho silang nakasout na ng wedding ring. Nakatayo ako sa kanilang harapan ngayon, nanginginig, namamawis, kinakabahan. Gusto kong sabunutan ang kaibigan ko pero hindi ko magawa, gusto kong sampalin si Jordan pero hindi ako makagalaw. Biglang nagsalita ang babaeng minsan kong naging kaibigan.

"Oh, Thea? Kumusta?"

Mas lalong gusto ko ng manghila ng buhok sa puntong ito. Nakaya pa nila akong harapin at kumustahin sa nagawa nila? Tiningnan nila ako mula ulo hanggang paa hanggang sa napagtanto ko na naka uniporme pala akong pang kasambahay. Sa tingin ko ay minaliit nila ako sa oras na'to.

"Ah, so kasambahay ka? Saang mansyon?" tanong ni jordan.

Magsasalita na sana ako ng biglang...

"Love, kanina pa kita hinanap. Binilhan kita ng mga damit, tara sukatin mo. Sino sila?"

Nagulat ako sa pinakita ni Alexander. Mas lalo akong naguluhan ngayon. Teyka, alam ba niya? Paano niya nalaman? Bahagyang hinawakan niya ang aking bewang sa harapan ng dalawa.

"Soon to be husband ako ni Thea," pagpakilala niya sa dalawa. "And, yes. Kasambahay siya pero mahal ko siya kasi marangal naman ang trabaho niya hindi katulad sa iba- walang ginawa kun'di mang agaw, mang-traydor at mang maliit sa kapwa."

Binigyan ni Alexander ng pera ang dalawa at hinulog ito sa basket nila.

"Treat 'yan ni Thea sainyo. Sige, mauna na kami."

Wala akong masabi sa lahat ng pinakita ni Alexander ngayon. Hindi ako pumalag sa kanyang paghawak sa bewang ko, hinawakan ko rin siya sa likuran nito hanggang sa makarating kami sa parking area.

Nasa sasakyan na kami pero hanggang ngayon hindi ko alam paano ako mag react. Magpasalamat ba ako? Itatanong ko ba kung bakit niya nalaman?

"Huwag ka ng magsalita, may chocolate diyan. Kumain ka saka may tubig din diyan sa paper bag," sambit nito habang iniikot ang sasakyan sa parking area.

Nakatulog ako sa biyahe kaya hindi ko namalayan nandito na kami sa hospital.

Grabi, ang laki naman nitong pribadong hospital na ito. Ngayon lang ako makakapasok sa VIP room ng mga mayayaman. Pagpasok palang namin sa entrance ay parang mall narin ang loob sa sobrang luwag nito. Lalo na ng pagdating namin sa mismong VIP room ni Mr. Fuentes. Ang kuwarto na ito ay parang bahay na namin dati. Kahit man ay namangha ako sa aking nakikita rito ay nakabaon parin sa isip ko ang pagtanggol ni Alexander sa akin kanina.

Kung hindi siya dumating baka kung ano na ang nagawa ko. Kahit kasinungalingan lang iyon ay nagpapasalamat parin ako sa kanya. Kapag may pagkakataon ulit na makausap ko siya ay tatanungin ko kung paano niya nalaman, sa ngayon ay kailangan ko muna i-focus ang isip ko sa pag t-trabaho.

"Magandang umaga po," bati ko kay Mr. Fuentes.

Sakto naman na gising na ito at nagbabasa ng dyaryo. May sakit si Mr. Fuentes sa puso, anytime daw ay puwede itong atakihin. Ngumiti naman ito sa amin ni sir Alexander pero mukhang nagtataka ang kanyang mukha ng nakita niyang si sir Alexander ang may dala ng bag at mga binili namin kanina. Tarantang inagaw ko naman ito mula sa kamay niya at itinabi sa gilid. Napansin kong malapad ang ngiti ni Mr. Fuentes habang nakatingin sa aming dalawa ni Alexander, para bang naaliw siya sa amin kahit wala naman kaming ginawa na mapangiti siya.

"Buti ay napabisita ka Lex?"

Ah, so Lex for ALexander, ngayon ko lang kasi narinig na nag-uusap silang dalawa kaya ngayon ko lang nalaman na Lex pala tawag nito sa kanya. Sakto ay tinawag ako ng nurse para bigyan ng instruction sa mga dapat gawin, iniwan ko muna sila mag-usap. Nandito kami sa labas ng room ni Mr. Fuentes, pinalawanag lang na kailangan itong bantayan at alalayan.

Dumating naman si Madam at kumaway lang ito sa akin bago pumasok ng room. Lumipas ilang minuto ay pumasok narin ako sa loob kaso pagbukas ko ng pintuan ay narinig kong malakas ang tono ng pag-uusap ni sir Alexander at ng kanyang Ina, mabigat ang hakbang nito palabas ng room at dinaanan lang ako. Maya maya ay sumunod din si Madam sa kanya.

Pagpasok ko ay humingi ng pasensya si Mr. Fuentes sa nangyari.

"Pag pasensyahan mo na ang mag ina, hindi lang sila nagkakasundo sa isang bagay."

"Ay, okay lang po."

"Ikaw ba Thea, may jowa kana ba?"

Nagulat naman ako sa tanong nito.

"A-ay wala po, mahirap pa pong umibig sa panahon ngayon. Meron naman isang taong medyo interesado ako pero hindi ko alam kung bagay ba kami," pagpapaliwanag ko sa kanya.

"Malapit na akong mawala, gusto ko sanang nasa tabi ka ni Alexander hanggang sa maging mabuting tagapag mana siya ng kumpanya."

A-ano? Anong ibig-sabihin ni Mr. Fuentes?