CHAPTER 21

CHAPTER 21

Halos libutin na ni Adam ang buong subdivision sa paghahanap sa pusang higit dalawang oras ng nawawala. Dala ang cellphone na may litrato ng kaniyang alaga, kada taong nasasalubong ay kailangan niyang hintuan para itanong kung nakita ang kaniyang pusang si Belle.

" Ah, sorry hindi po. Wala po kaming nakikitang ganiyang pusa dito, " muling bumagsak ang balikat ni Adam sa narinig na tugon ng pinagtanungan niya. " Pero anong breed po ng pusa? Mukhang imported. "

" Persian cat, " sagot ni Adam at 'di sinasadyang magpakawala nang buntong hininga sa harap nila. " Kanina lang siya nawala sa bahay at hindi ko na alam kung saan pa siya hahanapin. "

" Magpakalat na lang po kayo ng missing poster dito sa subdivision para po aware ang lahat. Siguradong narito lang po siya at naghahanap ng kalaro, " suhestiyon nito saka inilibot ang tingin sa paligid. " Masyadong malawak ang subdivision pero babalik din po siya sainyo panigurado. "

" Sana nga. First time niya kasi tumakas kaya nag