Chapter 1 (4) Beauty Queen

Chapter 1 (4) Beauty Queen

(Sera POV)

Pagbaba ko pa lang sa eroplano, agad sa akin sumalubong ang mga batang babae na may mga hawak na maliliit na watawat. Saka naman sa akin isinuot ang kwintas na gawa sa bulaklak. Mapapangiti ka na lang sa makikita mo. Napahalik sa pisngi ng mga bata at sinabi ng isa…

“Balang araw ako na din ang susuot ng Korona ninyo.” Kaya naman naupo ako sa harapan nito para maging kalevel ko ang taas nito.

“Oo, darating ang panahon na yan.”

“Ako din!” Saka di ko inaasahan na makakatangap ako ng group hug galing sa kanila. Mga bata na makikita sa kanilang mga mata ang kanilang mga iba’t-ibang pangarap at sana nga matupad ang mga yun.

Sa paglabas ko sa Airport, napakaraming tao ang nag-aabang sa akin. Namalayan ko na lang nagsi-sulputan ang mga tauhan ng pamilya ko, at nagtaka lang ako kung bakit may ibang pin sa damit akong nakikita. Phoenix? Ganito na din ba ang pin ng mga tauhang ipinadala galing sa autoridad. Mas marami sila kesa nga sa tauhan ng aking pamilya.

Tumampad sa aking paningin ang tatlong lalaki na nakangiti. Yung dalawang mukha hindi sa akin pamiliar, ngunit yung isa Secretarya ni Papa, si Secretary Feng. Ngumiti naman kaagad ako dito, o halos di nga mawala sa aking labi ang mga ngiti ko. Ang hinahanap ko talaga yung pamilya ko, nagbabakasali na sasalubungin nila ako pero andito si Secretary Feng na ibig sabihin hangang ngayon abala parin sila. Nakakalungkot ngunit bata pa lang ako nauunawaan ko na ang ginagawa nila para sa bayan.

“Congratulation Miss Sera.” Masiglang ngiti ng matandang Secretarya ni Papa.

“Maraming salamat po Secretary Feng. Sina Dad?”

“Napagdesisyunan na lang nila na hintayin ka sa Mansion. Hindi namin kasi aakalain na napakaraming tao ang sasalubong sa inyo.”

“Ganoon po ba. Mas nakakabuti ngang sa bahay na lang kami magkita-kita. Masaya akong malaman na naghihintay sila sa akin.” At napalingon ako sa dalawang kasamahan nito. Nakuha naman ni Secretary Feng ang ibig sabihin ng titig ko.

“Miss Sera, si Executive Secretary Taki,” Tukoy niya sa katabi nitong parang isang Japanese. Inilahad nito sa akin ang kamay.

“Nice to meet you Miss Sera.” Di naman ako nagdalawang-isip na abutin ang kamay niya.

“Executive Secretary Ethan,” Pakilala naman ng katabi nito na bata pa, ngunit bakas sa mukha niya na maayos nitong ginagawa ang trabaho niya. Gaya ng kay Secretary Taki, kaagad na inabot nito ang kamay sa akin, at nakikamay na lang din ako. Ang tanong kaninong mga secretary sila? Bakit sila pinapakilala sa akin ni Secretary Feng?

Hindi ko magawang tanungin, pero siguradong may kinalaman ito sa mga tauhan na mayroong phoenix na pin. Mga tauhan nga talaga siguro sila na ipinadala ng autoridad.

Sa pangunguna ni Secretary Feng, nakalabas kami ng maayos sa Airport at nag-aabang na ang mga sasakyan. Ang dami… Tahimik na lang akong sumakay. Ang akin lang, nanabik na akong makita ang aking pamilya.

Agad na sumilay ang ngiti ko sa labi ng maging pamiliar na sa akin ang daan pauwi ng bahay. Ang mayayabong na puno at sariwang hangin na nalalasap ko simula noong bata pa ako. Di nga sa kalayuan natatanaw ko na ang bahay namin. Malawak ang bakuran, at dahil riyan nagkaroon nga ako ng masiglang kabataan. Tumatakas sa mga bantay ko at nakikipaglaro sa mga batang hindi naman masyado kalayuan ang mga bahay nila. Ang hindi ko makakalimutan yung naligo ako sa sapa kasama sila. Sa tuwing tumatakas ako, palagi akong napapagalitan ng mga magulang ko lalo na si Papa. Noong bata ako, ang pinaka-ayaw ko sa kanila yung sobrang OA ang concern nila tungkol sa security ko lalo na sa kalusugan. Sa totoo nga mas masigla ang batang malayang maglaro sa bakuran kesa naman yung mga batang hawak lang gadget at nagkukulong sa loob ng bahay. Bad yun.

Sa huli kahit napapagalitan, heto, masaya parin talaga ako. Sa tingin ko nga napaka-adnormal ko. Ahahaha.

Tumigil na ang sinasakyan ko sa tapat ng bahay namin. Nakahelerang katulong ang naghihintay sa paglabas ko, at ako na ata ang napakasayang babae sa mundo ng makita ko si Papa. Ngumiti pero mangiyak-ngiyak ng makita ako. Hindi na nakapaghintay na makalapit ako, sinalubong na ako nito at niyakap ng mahigpit. Ang Daddy kasi napaka-emotional niyang tao.

“Congratulation Sera.” Bulong ni Papa. Sa wakas nasuklian ko din ang lahat ang supporta nila sa akin.

Napayakap ako kay Mama, at halik sa pisngi din. “Congrats Iha.”

Si Kuya Ruel nakatayo lang at naka-cross arm. Tipong hindi niya ako binati kagabi. Ngumiti na lang ako sa kanya. Napatango ito saka tuluyan na ngang tumalikod.

Lumapit naman sa akin si Ate Wilma na naka-cross arm din. Sa totoo lang terno-terno sila ni Mama, at pareho na naman nga ang damit nila. Ang sabi napaka-Daddy’s girl ko, at si Wilma naman napaka-Mommy’s girl. Si Kuya nagpapagitna na lang ata. Pero alam ko na pantay-pantay ang paningin ng aking mga magulang sa aming lahat.

“Congrats Sis.” bati ni Wilma na parang nangaling sa lagusan ng ilong niya. Hihi. Actually, ni minsan hindi ako nagparetoke, pero itong kapatid ko… sa daming pinabago sa kanyang katawan, parang hindi na siya tao, nagmumukhang barbie doll. Maganda naman… Pero para sa akin, mas maganda parin yung natural. “Di mo talaga inalis ang korona mo. Natulog ka siguro, suot mo pa yan.”

“Ahhhh. Gusto mong subukan?”

“If you don’t mind.” Pangisi niyang sabi. Kaya inalis ko sa aking ulo saka nga inilahad sa kanya. Kinuha naman niya at tinitigan. Ngunit hindi ko inaasahan ng bigla nitong hinagis sa sahig at naputol yung…

“Wilma!” si Papa. Pero nakatitig lang talaga sa akin si Wilma. Pupulutin ko na sana yung Korona ng inapakan nito.

“Talaga bang magbubulagbulagan ka na lang Sera? Di ka nakakatulong sa amin. Gusto mo lagi yung palagi kang sinusuportahan. Tss. Kala mo ba may maitutulong yang korona mo sa pamilya natin? Sa bagay malaki ang papel ng korona mo kung bakit ikakasal ka na. Congrats Sis sa darating mong kasal. And Goodluck.”

“Wilma!”

“Ay sorry Dad. Naunahan kita na iinform siya. Pasensya na.” At tuluyan na ngang tumalikod si Wilma. Si Mama naman siya na itong pumulot ng korona kong nasira…

“Pasensya ka na sa Ate mo Sera, dinaratnan ata ng anxiety niya plus yung kabuwanan.”

“A-anong ibig sabihin ni Ate Wilma, Dad, Mom?”

@Death Wish