Chapter 37: Back Home

HALOS hindi makahinga si Eunice dahil sa mabilis na pagmamaneho ni Stefan pakiramdam niya biyaheng kabilang buhay ang kanilang tatahakin.

“Diyos ko, ‘wag niyo naman po kami pabayaan na maaksidente. Maawa po kayo sa anak naming,” tahimik na dasal ni Eunice sa kanyang isipan na mas lalong hinigpitan ang pagkakahawak sa kanyang seatbelt.

Ngunit habang tumatagal na narito siya sa loob ng kotse ni Stefan ay nauubusan siya ng hininga. Kung kaya kahit natatakot man kay Stefan ay naglakas loob siyang pagsabihan ito.

“Stefan, p’wede bang bagalan mo ang pagpapatakbo?” mahina niyang pakiusap sa pagitan ng nauutal-utal niyang pagsalita.

Ngunit tila walang narinig si Stefan at mas binilisan pa nito ang pagpapatakbo. Hindi na lang umimik si Eunice at ipinikit na lamang ang kanyang mga mata para mabawasan ang takot na kanyang nararamdaman. Ngunit kahit na anong gawin niya ay dama niya pa rin ang mabilis na takbo ng kotse kung kaya nag