Chapter 38: Back Home Pt.2

NANATILING tahimik si Eunice at pilit na pinigilan ang luha na nagbabalak kumawala sa kanyang mga mata. Naagaw ang kanyang pansin nang tawagin ni Vicky ang kanyang pangalan.

“Ma’am Eunice…” mahinang sambit ni Vicky.

Tinignan ni Eunice si Vicky kung saan may nag-aalalang tingin sa mukha nito.

“Vicky, Eunice na lang. Narinig mo naman ang sinabi ni Sir Stefan kanina, ‘di ba?” wika ni Eunice kung saan gumuhit ang maliit na ngiti sa labi nito.

“Pero—”

Hinawakan ni Eunice sa kamay si Vicky. “Okay lang ako. Huwag mo akong alalahanin. Isipin mo na lang ang sarili mo at ang pamilya mo kapag hindi mo sinunod ang gusto ni Sir Stefan.”

Kita ni Eunice ang hindi pagsang-ayon sa mukha ni Vicky kung kaya pinisil-pisil niya ang kamay nito na kanyang hawak-hawak.

“Kailangan mo ang trabahong ito, Vicky.” At tinignan din ni Eunice ang ibang kasambahay at manggagawa ng pa