Kabanata 22

Naguluhan si Josiah.

Maimpluwensya ang mga Bayer sa Jangasas, ngunit hindi nila kayang imbestigahan ang maliliit na kumpanya. Tsaka, makakatawag ito ng atensyon ng nakararami kapag ginawa niya iyon gamit ng kanyang status. Kapag nangyari nanaman yung gaya ng nangyari sa panggigipit niya kay William Jenner at may tao nanamang magkakamali ng intindi sa kanya…

Umubo si Josiah at naiilang siyang tumawa. “Z, walang problema ‘dun, pero lilinawin ko na ngayon pa lang na kapag may taong gumawa ng kwento at sinabi na mayroon akong relasyon sa pinakamamahal mong asawa o kung anu-ano pa, huwag kang maniniwala—Ow!”

Hinampas ni Fredric ang ulo niya bago pa siya makatapos sa pagsasalita.

…

Mas nagsumikap pa sa pagtatrabaho si Cordelia sa ikalawang buwan niya sa trabaho. Mayroon na siyang kaunting kaalaman tungkol sa mga tuntunin upang tumagal sa isang trabaho at kung paano niya maiiwasan ang pang-aapi sa kanya ni Karine. Alam din niya kung paano niya poprotektahan ang sarili niya mula sa pangha