Chapter 155 (Part 1)

PERFECT MISTAKE 41. 1

Mahina siyang suminghap nang pumulupot ang matitigas na braso sa kanyang baywang habang abala siya sa paghahalo ng ulam.

“Smells good.”

Inignora niya ang kiliting dulot ng mainit nitong hininga na pumapaypay sa kanyang tainga. “Madali na ‘to. Maupo ka na.”

“I like watching you, Miss Ma’am.”

Ngumuso siya para itago ang ngiti. “Ihanda mo na lang ang mga plato.”

Isa pang h alik sa kanyang sintido ay pinakawalan na siya nito. Pasimple pang humaplos ang kamay nito sa kanyang baywang. Nagsitaasan ang balahibo sa kanyang batok

Bumalik sa tabi niya si Killian nang takpan niya ang kaldero.

“Change your clothes upstairs. Ako na ang bahala rito,” mababa ng boses nitong wika. Kinuha nito sa kanya ang sandok.

Hindi naman na siya nagprotesta at sumunod na lang. Gusto niya ring dumistansya ng ilang sandali kay Killian dahil natotorete siya sa bilis ng pintig ng puso niya.