Chapter 12

        Agad siyang pinatuloy ng kanyang Yaya Berna sa loob ng kubo nito. Maaliwas ang malamig ang simoy sa loob ng kubo. Agad siyang ipinaghain nito ng pagkain dahil ayon dito ay siguradong nagutom siya sa haba ng kanyang naging biyahe. Hindi na rin siya tumutol pa sapagkat bukod sa talagang gutom na nga siya ay namiss talaga niya ang luto nito sa kanya noong bata pa siya. Agad namang nagpa alam sa kanila si Botchok at aniya ay may trabaho pa sa bayan.

        Sa gitna ng pagkain ay naibahagi niya sa dating taga pag alaga ang mga pangyayari sa kanyang buhay. Hindi makapaniwala ang kanyang Yaya Berna sa kanyang sinapit. Nabanaag niya sa mga mata nito ang simpatya. Hinagod nito ang kanyang likuran.

        "Dumito ka na lang anak. Alam mo namang lagi kang welcome dito. Pero hangad ko pa ring maayos mo ang gusot sa buhay mo. Ipagdarasal ko iyan anak."

        "Thanks Ya. Yaya.. puwede