Chapter 31: Like?

"Manong, can I ask-ahm pwede ho ba magtanong? Saan po ba dito ang sakayan papuntang"- dinukot niya ang sketch na may address sa bag- "Ahm, Sta. Maria, Bulacan?"

"Ah, pa-Bulacan ba kamo? Diyan sa SM North, may mga sakayan diyan papuntang Bulacan. Green na bus, ineng," nakamuwestra ang kamay na sagot ng tricycle driver na napag-tanungan ni Keirah.

Nagpalinga-linga siya. Tatawid pa pala siya ng footbridge. Hay, masakit na ang paa niya. Napakainit pa.

Mali naman kasi ang binabaan sa kanya ng taxi.

Nalulukot na ang itsura niya. Pawis na pawis na din siya, habang binabaybay ang footbridge para makarating sa kabilang dulo.

Nakahinga siya ng maluwag nang marating niya ang sakayan. Pasimple niyang sinulyapan ang SM. Namimiss niya na mag-shopping.

‘Hayaan mo na Keirah, laban lang’ pag-aalo niya sa sarili.

Ganoon na nga. Kailangan niya lang lumaban. Kailangan niya pang malagpasan 'tong init ng araw.

"Oh Miss, saan ka bababa?" tanong ng konduktor sa kanya.

"Sta. Ma