Chapter 23 - White Lies

Hindi ko alintana ang panginginig ng buong sistema ko at tinuloy ko ang pag pindot sa doorbell. Pigil hinga ang ginawa ko ng tumunog ito.

Wala pa ilang minuto nang bumukas ang pinto at iniluwa nito si Tita Thea. Abot tainga ang ngiti niya nang mapagtantong ako ang bumulabog sa maaliwalas nilang umaga.

Pinagbuksan niya ako ng gate ng hindi pa rin inaalis ang ngiti niyang akala mo ay nakakita ng artista.

"Advance ka ng 5 minutes Benjamin ah."

"G-Good morning po t-tiita." Sa sobrang kaba ko ay ngiwi ang sumilay sa labi ko imbes na ngiti.

"Nag ri-ritwal pa si bonsia sa kwarto niya, halika pasok ka muna."

"H-Hindi na po tita! D-Dito na lang po ako maghihintay kay Erie."

Hindi niya pinakinggan ang suggestion ko at hinila ako papasok sa loob. "Mangangawit ka riyan sa labas kaya pumasok ka na. Samahan mo muna kami mag coffee ni Marcel habang hinihintay mo si Aerielle."

"S-S-Sige po h-hehehe."

Lalo ako