Chapter 13

"A-Anak! Pedro! Mark, tawagin mo ang doktor! Gising na ang ate niyo! G-Gumalaw iyong daliri niya. Salamat, Diyos ko!"

Naalimpungatan ako nang marinig ko ang pabulong at umiiyak na boses ni nanay, kasunod ng paga-anunsyo nito ay pag-uga ng aking tabing hinihigaang kama.

"Ate.." boses ni Raphiel ang narinig ko.

Dahil sa kuryusidad, iminulat ko ang mga mata ko, ngunit ka agad rin namang napapikit at napangiwi nang masilawan ako sa liwanag na nanggagaling sa kisame ng puting kwarto.

"Anak!" narinig ko ang sabay na pagsigaw ni nanay at tatay. Mayamaya pa'y naramdaman ko ang kanilang mga kamay na marahang nakahawak sa aking magkabilang balikat.