Chapter Five

Evie's POV

Nakanganga ko lamang na tiningnan ang bago kong amo. Habang patuloy niyang binubugbog ang lalaki. Wala akong ginawa kundi pagmasdan ang siya pati na iyong malapad niyang likod. Ang sarap sigurong yakapin nito sa likod.

Natigil lang ako sa paglalaway ay este pagtingin sa kanya nang awatin sila ni Kuya Genesis. Bugbog sarado na ang lalaki. Siya namang matinis na pagtili ng babaeng nasa likod ko.

"Guys, what the hell are you doing?! Bakit niyo siya binubugbog?!" 

Awtomatikong napabaling ako sa babae sa likod ko. Si Mariana Jimenez, matalik na kaibigan naming dalawa ni Janella. Hindi maipinta ang mukha nitong lumapit sa lalaking binugbog ni Sir Keith.

Maingat nitong hinawakan ang mukha ng lalaki. Habang napapangiwi ito. Matalim na titig ang pinakawalan nito sa dalawang lalaki.

"Pambihira naman kayo oh! Ano bang problema niyo? Sinira niyo na ang plano ko. Paano na ang bachelorette party ni Janella mamaya kung