TWELVE

Hindi na nga nagpakita pa si Hanz sa kaniya kahit anong pilit niya kay Christian. She never told him her true reason why she wanted to see Hanz. Hindi niya sinabi ritong buntis siya. Para saan pa ba kung sinukuan na talaga siya ng lalaki?

Hindi pa man natatapos ang hearing sa divorce nila ay nalaman na lang niya na bumalik na ng Pilipinas ang si Hanz. Lahat ng dapat ayusin ay ipinaubaya na lang nito kay Christian. Lahat ng kailangang pirmahan ay ipinapadala na lang dito. Kayang-kaya naman ngang gumastos ng lalaki kahit na magkano dahil mayaman ito.

Subalit, ang mas gumimbal sa kaniya ay nang lumabas na ang resulta ng paternity test. Dinala iyon mismo ni Dereck sa bahay niya.

“What are you doing here?” malamig niyang tanong nang mabungaran ang lalaki sa labas ng pintuan.

“Can you at least, for once, be a little nicer to me?” anitong tila sadyang nagpapaawa.

Huminga siya nang malalim, pagkuwa’y niluwagan ang pagkakabukas ng pintuan.

“Suit yourself,” walang ganang wika niya at naup