Chapter 16

Dali dali akong umalis sa kumpulan upang puntahan ang dalawa sa canteen. Hindi ko na kasi matiis na panoorin ang eksena do'n. Bakit sa TV nakakakilig kapag may nangyayaring gano'n? Pero 'pag sa totoong buhay, halos lahat ng buhok ko sa katawan nagsisitayuan. Nakakakilabot. 

Napairap na lang ako nang maalala kong tinanggap ni Cadence ang regalo ng babae. Akala ko babalewalain niya lang. Halata naman sa una na ayaw niya ang mga gano'ng senaryo. Pero sa huli, bumigay din pala siya. Tss.

Luminga ako sa paligid upang hanapin ang dalawa. Hindi ko kasi sila namataan sa loob ng canteen. Mukhang tapos na sila bumili at baka gumagala lang sa paligid. 

Nang hindi ko sila nahagilap sa buong paligid, paalis na sana ako nang may umagaw ng atensyon ko. 

Imbes na ang mga kaibigan ko ang makita ko, isang tao ang bumungad sa paningin ko.

"Long time no see, ah," bulong ko.

Bumaon ang kuko ko sa palad sa sobrang diin ng pagkuyom ng kamao ko. Hind