Chapter 18

"And you both just came out from the comfort room. Am I right?" seryoso niyang tanong.

Seryoso naman siya palagi. Lalo na kapag may kinokonpronta siyang mga estudyante kapag nahuli niyang gumawa ito ng kalokohan. Pero sa oras na ito, kakaiba ang tono ng pagtatanong niya. Tipong mas seryoso pa sa seryoso. Tipong hindi na estudyante ang datingan niya. Para na siyang pulis.

Umiwas ako ng tingin. Sa buong buhay ko ngayon lang ako kinabahan nang ganito. Dati rati naman ay inis lang ang nararamdaman ko sa t’wing nahuhuli ako sa kalokohan ko pero iba ngayon. Parang pinako ang paa ko sa sahig. Hindi ako makakilos.

Sobrang bilis ng tibok ng puso ko. Pero hindi naman pwedeng magmukhang mahina ako sa harapan niya. Baka mas maniwala siya na galing sa’min ang pregnancy test na iyon. Kailangan kong lusutan ‘to.

Lumunok muna ako. “I-Iniisip mo ba na isa amin ang buntis? Kasasabi ko lang na napulot lang namin-“

“P-Pres...”

Lumingon ako sa likuran ko n