Chapter 35

Hindi muna ako pumasok sa loob ng bahay pagkatapos naming ihatid ni mama si papa palabas ng gate. Tumingala ako sa langit. Punong puno ng bituin at ang ganda ng buwan.

Huminga ako nang malalim.

Hindi ko masabing malungkot ang birthday ko, hindi ko rin masabing masaya.

Siguro nasa pagitan.

Hindi na rin ako nagtagal.

Agad na rin akong tumalikod para bumalik sa loob pero napatigil ako. Muli akong humarap. Umawang ang labi ko. Bumilis ang tibok ng puso ko. Bulto pa lang, alam kong siya ang nakapamulsa at nakayuko habang nakasandal sa poste. 

Dumiretso ako ng tayo. "C-Cadence?” wika ko at hindi naman malayo ang poste sa amin. Alam kong rinig niya ang sinabi ko.

Umangat siya ng tingin. Hindi ko gaano maaninag ang mukha niya dahil kalahati lang ang liwanang ang nasa kaniya.

“How’s your feeling?” rinig kong tanong niya at habang naglalakad siya palapit sa akin, pabilis nang pabilis ang tibok ng puso ko. &ld