Chapter 42

Pagbaba namin sa ferris wheel, hindi na namin binitawan ang isa’t isa. Mahigpit ang hawak ni Cadence sa kamay ko na para bang wala siyang balak na bitawan ito. Minsan napapatingin ako sa kaniya pero mas madalas tumagal ang tingin ko sa magkahawak naming kamay.

Hindi ko maipaliwanag ang saya.

Naglaho lahat ng takot sa katawan ko na baka may makakita sa amin at maging issue tapos kumalat sa school, tapos masisira ang imahe niya. Naisip kong si Cadence Montes nga pala ito, lahat nagagawan niya ng paraan.

At ngayong boyrfriend ko na siya, may karapatan na akong ipagsigawan sa buong mundo na akin siya. Parang ang sarap ngang ipamukha kay Lorie na kami na pagbalik namin sa school. Na-i-imagine ko na ang magiging reaksiyon niya.

Tinawagan ako ni Carol na nasa seaside na silang lahat, nakatambay. Nakabili na rin ng pagkain. Kami na lang ang hinihintay. Ewan ko pero bigla akong kinabahan. Wala pa kasi akong balak sabihin ngayon mismo sa kanila. Kahit na nagp