Chapter 108

CHAPTER 108

BELLA POV

Kanina ko pa gustong umiyak pero pinipigilan ko lamang ang sarili ko. Sobrang sakit na makita na iba ang gustong makasama ng taong mahal mo tapos pinaalis pa ako nito doon sa ospital. Wala na rin naman akong nagawa pa kundi ang umalis na muna dahil ayoko naman na magalit eto sa akin.

Sobrang sakit na sa isang iglap ay nawala lahat ang mga alaala ni Vin na kasama ako. Napapatanong na lamang ako kung bakit ako pa talaga ang nakalimutan ni Vin? Bakit hindi na lamang si Nicole.

Inihatid naman ako ni Sarah dito sa aming bahay. Wala ang mga kasama ko rito dahil may mga pasok sa trabaho. Hindi rin naman nagtagal si Sarah dito dahil kailangan daw nyang bumalik kaagad sa ospital dahil baka kung ano pa raw gawin ng kapatid nyang si Nicole. Nagpapasalamat naman ako dahil kahit papaano ay may handa pa rin pala na tumulong sa amin ni Vin kung nagkataon.

Nang maiwan akong mag isa dito sa aming bahay ay dumiretso na ako sa aking higaan. Pagkaupo ko pa lamang dito ay hindi ko na