Kabanata 7

Nagising ako at napagtantong nasa kama pa rin ako kung saan may nangyari sa 'min ni Mr. Ivran. Nakatakip ng kumot ang buo kong katawan pero wala na si Mr. Ivran sa tabi ko.

Dahil sa hindi ko inaasahang pangyayari ay agad akong nagbihis at umalis. Nag-taxi ako para makauwi kaagad sa bahay. Hahabol ako para makapasok sa school.

Binilisan ko ang pagkilos ko hanggang sa makaalis na ako ng bahay. Sa pagbungad ko pa lang sa school gate ay si Heriane na agad ang nakita ko.

"Senra? Teka, bakit ngayon ka lang? Saan ka nanggaling kagabi?" tanong agad niya nang makalapit ako sa kaniya.

Sandali pa akong napalunok ng laway.

"U-Umuwi na ako ka—"

"Umuwi? E ang sabi ni tita, wala ka raw, e," agad niyang sabi.

"M-May inasikaso lang ako kanina kaya hindi niya ako nakita. Ang totoo, nakauwi na ako kaagad kagabi," pilit kong pagsisinungaling sa kaniya.

"Hay, naku! Halika na at baka ma-late pa tayo sa first class natin," pagyayaya na lang niya bago kami naglakad paalis.

PARA AKONG LUTANG dahil sa nangyari sa 'min ni Mr. Ivran kagabi. Kinakabahan ako na hindi ko alam.

"Senra, okay ka na ba?" tanong ni mother Z kaya biglang nagising ang diwa ko. Tumango ako at ngumiti bilang tugon.

Nakaayos na ako lahat-lahat at ready na akong mag-perform sa VIP customers namin. Huminga ako nang malalim bago ako tumayo at nagtungo roon.

Mabuti at isang lalaki lang ang nandoon.

Sandali ko munang inayos ang sarili ko bago ako nagtungo sa loob ng VIP room.

Dahan-dahan akong sumayaw upang i-entertain ang nag-iisa kong VIP customer. Habang lumalapit patungo sa kaniya ay para akong sinementuhan sa kinaroroonan ko.

"Senra," sambit niya sa pangalan ko. Walang iba kundi si Mr. Ivran Moredad.

"S-Sir Ivran? A-Ano pong ginagawa niyo rito?" nagtataka ko namang tanong sa kaniya.

Pansin ko ang pag-aalala at ang hindi niya mapakaling kilos. Hinilamusan niya ang mukha niya at muli akong tinignan.

"Look, I came here to apologize for what happened last night," agad niyang sambit sa 'kin. Medyo napakunot pa ang noo ko dahil dito.

"A-Apologize?" paninigurado ko. Mukha siyang hindi kumbinsido sa pinapakita kong expression kaya walang ano-ano siyang naglabas ng wallet at kumuha ng ilang libong pera upang iabot sa 'kin.

"Here's the money. Kalimutan natin na may nangyari sa 'tin kagabi, okay? Uhmm... kung kulang pa 'yan, then name your price," sabi pa niya sa 'kin.

Hindi ko alam kung matutuwa ba ako dahil sa perang 'to o maiinsulto ako sa ginagawa niya. Hindi ako nagpapabayad hindi dahil sa ginusto ko ang nangyari, dahil para niyang ipinaaalam sa 'kin na isa akong bayaran.

"H-Hindi ko po tinatanggap ang pera," sambit ko sa kaniya. Napansin ko ang marahang pagkunot ng noo niya sa pagtataka. "Sir, hindi po ako prostitute."

"Wala akong sinasabing prostitute ka, Senra—"

"E bakit niyo po ako binabayaran?" inis kong tanong. "Hindi ko rin po ginusto ang nangyari sa 'tin kagabi. Parehas lang po tayong lasing. Itago niyo na lang po ang pera niyo."

Sa inis ko ay gusto kong umalis pero agad akong hinawakan ni Mr. Ivran sa braso ko upang pigilan.

"Bakit ka ba nagagalit? Can't you see? I'm concern about you, Senra. Hindi kita hinuhusgahan bilang bayarang babae," tanong niya sa 'kin. Agad ko namang binawi ang braso ko mula sa kaniya.

"Nakakainsulto para sa 'kin, sir," sagot ko naman sa kaniya.

Bigla na lang kaming natigilang pareho nang silipin at batiin si Mr. Ivran ng manager ng club.

"Sir Ivran! Mabuti at napasyal po kayo. How's our night?" tanong ng manager.

"Good," tipid namang sabi ni Mr. Ivran.

"Oh, anyway, siya po pala ang bago nating entertainer. Okay naman po ba?" tanong pa ni manager sa kaniya bago tumingin sa direksyon ko. "Senra, siya si sir Ivran Moredad, the owner of this club. I hope na na-satisfy mo ng performance si sir."

Napatingin akong bigla kay manager sa sinabi niya at saka ko tinignan ang gawi ni Mr. Ivran na ngayon ay seryosong nakatingin sa direksyon ko.

"P-Po?" nagtataka kong tanong.

"Yes, Senra. He comes here sometimes to check if everything's doing well," sagot pa ni manager.

Hindi ko alam na sa dinami-rami ng tao sa mundo, si sir Ivran pa ang amo ko.

Alam niya ba na dito ako nagtatrabaho?