CHAPTER 221

CHAPTER 221

“Pagbibigyan kita ngayon sa gusto mo na umuwi tayo ng Pinas. Pero gusto ko na pag isipan mo munang mabuti ang tungkol kay Harold. Tandaan mo na hindi isang bagay ang hinihingi mo Camille. Tao yan at hindi natin basta basta madidiktahan ang puso ng isang tao,” sabi pa ni Miguel sa kanyang anak.

Hindi naman na nagsalita pa si Camille at tanging pagtango na lamang nga ang naging sagot niya sa kanyang ama.

“Sige na. Pumunta ka na sa iyong silid,” sabi ni Miguel at saka niya sinarhan ang pinto ng kanyang silid.

At pagkasarang pagkasara nga niya ng kanyang pinto ay napasandal na lang din doon si Miguel at naipikit na lang niya ng mariin ang kanyang mga mata.

Ayaw naman sana niyang pagsalitaan ng ganon ang kanyang anak pero napapansin na niya na nababastos na siya nito sa paraan ng pagsagot nito sa kanya kaya kinailangan niyang ipakita rito na dapat siyang igalang nito.

Agad naman na dumiretso si Camille sa kanyang silid at pabalya pa nga siyang naupo sa kanyang kama habang nakab