Chapter 44

MARLON

ILANG araw na ang lumilipas mula nang sabihin sa akin ni Saga na buntis siya... sa ibang lalaki.

Damn it! Hindi ko matanggap. Nararamdaman kong akin ang batang dinadala niya, pero bakit pinagpipilitan niyang hindi akin ang bata!

Sa loob nang ilang araw, wala akong ibang ginawa kundi maghintay sa labas ng bahay nila. Wala akong pakialam kahit ipagtabuyan pa ako ng mga magulang niya, pero hindi ako susuko. Araw-araw ko siyang susuyuin hanggang sa mabawi ko ang pagmamahal at tiwala niya sa akin.

Nakaupo ako sa pinakadulong metal stool sa harap ng bar counter. Tuwing gabi pagkagaling kina Saga ay nagpupunta ako sa mga bar para maglasing.

Tangina! Malapit ko na siyang mabawi. Alam kong malapit nang bumalik sa akin si Saga noong nasa probinsya kami, but because of that stupid woman, mas lalong napalayo sa akin ang asawa ko!

Nang makaubos ng halos kalahating bote ng alak, nag-iwan ako nang ilang libong piso sa bar counter. Paalis na ako nang may mabungga akong isang grupo ng mga lalak