Chapter 17.1: Ang Pagtakas

CHAPTER SEVENTEEN

“ANG PAGTAKAS”

NAALIMPUNGATAN si Lana sa kalagitnaan ng madaling araw. Nakapa niya ang leeg niya at hanggang ngayon ay tumutulo pa rin ang sarili niyang dugo mula roon. Agad niyang kinuha ang panyo mula sa side table at napalingon siya kay Chaos na ngayon ay mahimbing na ang tulog habang kapwa silang nakahubad.

Naningkit ang mga mata niya nang maalala ang mga ginawa ni Chaos kanina. Pinagsamantalahan siya nito at halos patayin na. Alam niya, masyadong marami ang dugong nakuha nito sa kanya kaya naman kahit hanggang ngayon ay nahihilo pa rin siya. Nakikita pa niya ang bakas ng dugo niya sa gilid ng bibig nito.

Pinilit niyang bumangon at nakita niya sa gilid ng sofa si Wayne na mahimbing pa rin ang tulog. Kinuha niya ang damit niya sa tabi nito at agad na sinuot iyon saka nagmamadaling lumabas sa kwarto.

Hindi niya alam kung saan siya dadalhin ng gagawin niya