Chapter 9

Sa isang coffee shop napadpad ang dalawa. Hindi man ito kalayuan sa restaurant pero sapat na ang distansya upang makapag-usap silang dalawa ng masinsinan.

"What do you want to drink?" tanong ng binata kay Katya pagkaupo nila.

"Wala."

"Two cappuccino please," ngiti nito sa waiter.

Pinanuod lang ni Katya ang lalaki. Nakakamangha talaga na wala man lang itong ipinapakita ni isang pagkabahala. Naguguluhan talaga siya sa mga pangyayari noon ngunit isa lang ang sigurado niya, hindi ito ang ama ng anak niya pero may koneksyon ang mga ito sa isa't-isa.

Nang umalis na ang waiter ay hinarap siya ng lalaki at nagpakilala. "My name is Kaiser."

"I'm Katy—"

"I already know years ago," pagpuputol nito sa sinasabi niya.

Itinikom ni Katya ang kanyang bibig at seryoso itong tinitigan. "May alam ka ba sa nangyari sa akin noon? Sa... pagkakakidnap at pagkakagahasa ko?" tanong niya sa mababang boses.

Matagal na iyon at nalimot na niya. Pero ngayon na nakita niya ulit ito ay hindi niya mapigilan ang saril