Chapter 10

"Tumawag kanina si Ross. Nag-aayaya na gumimik," imporma ni Gio kay Kaiser habang nasa gym ang mga ito.

"I'll pass for now. Alam mo naman na hindi pwede sa akin ang uminom ng madaming alak."

Tumawa siya sa sinabi nito. "Hindi lang naman alak ang meron sa club ah."

Sinamaan siya ng tingin ni pinsan. "Pwede ba? Huwag mo akong itulad sa inyo na mga babaero."

"Hindi naman ako babaero ah."

"Hindi nga ba? Sandali nga, tinigilan mo na ba sa kasusunod si Miss Chua?" naniningkit ang mga mata na tanong ni Kaiser.

Hindi agad nakasagot si Gio lalo na nang muling naalala ang nakitang reaksyon ng dalaga sa regalo na gusto niyang ibigay dito. Wala naman siyang masamang intensyon pero mukhang natakot niya ito. Hindi naman ganun kamahal ang kwintas na iyon.

"Giovanni my brother!"

Inakbayan siya ni Rossi at dinala sa VIP table nila ng barkada. May tama na ang mga ito at si Paxton lang ang tangi pa na matino. Kababalik lang ng mga ito galing sa Sicily nitong umaga.

"Nasaan si Kaiser? Bakit hindi mo siy