Chapter 2

Kilalang malakas uminom si Allyna at mataas ang tolerance sa alak, kumpara kay Mcki na mabilis tamaan at madaling malasing.

"So... what made you drink?" kaswal na tanong ni Allyna. Kumportable siyang sumandal sa couch habang hindi inaalis ang mapanuring tingin kay Mcki.

"Hmmm. It's a long story," sagot naman ni Mcki habang nakatitig sa hawak niyang baso. Sa totoo lang, hindi naman masamang mag-share ng kwento sa isang estranghero, lalo na’t pinatira siya nito sa condo nito.

"We have all the time. Pero siyempre, kung kumportable ka lang naman na—"

"My dad's getting married," pagputol ni Mcki sa sasabihin ni Allyna bago muling humigop ng alak.

"My dad is only 33. He was just 15 nung lumabas Ako sa mundo. Sobrang grateful ako kasi, di tulad ng nanay ko, si Dad ang nanatili sa tabi ko," dagdag pa niya.

So she's 18 now, kalkula ni Allyna sa kanyang isip. Habang siya naman ay magbe-24 na—not bad, pwedeng-pwede.

Tumango lang si Mcki abolition bilang tugon.

"I get it. Ayaw mo siyang makitang may kasamang ibang babae bukod sa mom mo. You probably feel bad for your mom," sabi ni Allyna sabay lagok din ng kanyang alak.

"Sobrang tagal nang nawala ang mom ko to the point na hindi ko na siya maalala. I was still very young back then. Kaya sino ba naman ako para pigilan si Dad na magmahal uli?"

Seryoso at taimtim lang na nakikinig si Allyna. Karaniwan ay wala siyang pakialam sa personal na buhay ng ibang tao, pero iba ang dating sa kanya ni Mcki. May kung anong meron sa babaeng ito na parang magnet na humihila sa kanya palapit.

Muling uminom si Mcki.

"Saka deserve naman ni Dad na maging masaya. He gave everything he could. Ginawa niya ang lahat para maging madali ang buhay ko, kaya hinding-hindi ko ilalagay ang sarili ko sa posisyon na masasaktan ko siya," malalim na paliwanag ni Mcki habang pinaglalaruan ang shot glass sa kanyang kamay.

"Para kay Dad, tatanggapin ko ’to nang buong-puso. Soon, masasanay rin ako."

Hindi sanay si Mcki na maging ganito ka-open sa kahit sinong maliban sa best friend niyang si Oli.

Ito ang unang pagkakaroon niya ng ganitong seryosong usapan sa isang taong bago pa lang niyang nakilala—babaeng halos hindi pa nga niya alam ang buong pagkatao.

Pero sa hindi maipaliwanag na dahilan, kusang gumaan ang loob niya kay Allyna.

Habang lumilipas ang oras, tila mas tumitindi ang nararamdaman ni Allyna, dala na rin marahil ng alak.

Lalong lumalim ang tingin niya kay Mcki, na tila ba binabasa nito ang pinakatatagong emosyon sa puso ng dalaga.

Hindi na nagdalawang-isip si Allyna. Dahan-dahan siyang tumayo, lumapit, at tumabi kay Mcki sa couch.

Pinanood lang siya ni Mcki hanggang sa maging sobrang lapit na ang kanilang distansya.

Ibinaba ni Allyna ang hawak niyang baso sa lamesa. Iniharap niya ang kanyang buong katawan kay Mcki para ibigay dito ang kanyang buong atensyon.

Nanatiling tahimik si Mcki pero alerto ang kanyang sistema.

Masyadong mapang-akit ang presensya ng babaeng nasa harap niya.

Physically attracted na nga siya rito, at mas lalo pang tumitindi ang nararamdaman niya habang tinutulungan siya nito na pakalmahin ang kanyang naguguluhang emosyon.

Mula sa mga mata ni Mcki, bumaba ang tingin ni Allyna sa braso ng dalaga. Dahan-dahan nitong hinaplos gamit ang isang daliri ang makinis at maputing balat ni Mcki.

Awtomatikong nakaramdam ng kilabot at pananabik ang buong katawan ni Mcki. Sobrang bago ng pakiramdam na iyon para sa kanya—isang sensasyon na hindi niya kayang pangalanan o ipaliwanag.

"I can make you forget everything that bothers you tonight... at least para sa gabing ’to. Kung hahayaan mo lang ako…" bulong ni Allyna habang patuloy pa rin ang paghaplos ng kanyang mga daliri sa braso ni Mcki.

Hindi makapagsalita si Mcki. Hindi niya alam ang sasabihin. Alam niyang dapat siyang mag-react, pero hindi na makapag-isip nang diretso ang utak niya.

At dahil hindi bahagi ng bokabularyo ni Allyna ang salitang 'no' o ang konsepto ng rejection, hindi na niya hinintay ang pagsang-ayon o sagot ni Mcki.

Agad niyang ipinatong ang kanyang kamay sa batok ni Mcki at banayad itong hinila palapit. Agad niyang sinakop ang mga labi nito para sa isang mainit na halik.

"Ahmm..." Isang malalim at marubdob na ungol ang kumawala kay Allyna habang ninanamnam ang labi ni Mcki.

Natigilan si Mcki at tuluyang hindi maproseso ang mabilis na mga pangyayari sa kanyang paligid.

It was her first kiss—at ninakaw iyon ng isang estranghera. Gusto niyang pumalag o magprotesta, pero ang kanyang wisyo at lakas ay tila tuluyang nakulong sa isang kakaibang enerhiya na hindi niya matakasan.