My Step Mom

Umiikot na ang paligid ni McKenzie Elle Dela Fuentez, pero tuloy pa rin siya sa paglaklak. Kahit halatang lasing na lasing na, lutang pa rin ang taglay niyang ganda at karisma. Si McKenzie kasi ’yung tipo ng babaeng handang pag-agawan ng mga lalaki, at kinaiinggitan naman ng mga babae.

Nasa isang bar siya ngayon kasama si Oli, ang kanyang matalik na kaibigan.

"Akala ko ba tanggap mo na? Bakit nagkakaganyan ka na naman?" nag-aalalang tanong ni Oli habang nakaupo sa tabi niya.

"’Yun din ang akala ko..." Muling ininom ni Mcki ang alak na hawak niya. "...But I can't stop myself from hurting." Nangingilid na ang mga luha sa mga mata niya.

Nahabag si Oli, pero pinilit nitong maging optimistic para gumaan ang loob ng kaibigan. "For sure naman, gusto rin ng mom mo na maging masaya ang dad mo."

Samantala, sa kabilang table, tahimik lang na nagre-relax si Allyna Celeste Constantine Di Silvestre. Ine-enjoy niya lang ang gabi nang biglang mapadako ang tingin niya sa direksyon ni McKenzie.

Saglit na napatitig si Allyna. Humigop siya ng alak habang pinapanood ang nagwawalang si McKenzie. Bago pa man niya namamalayan, isang ngiti na ang gumuhit sa mga labi niya bago niya iniwas ang kanyang tingin.

"Tama na nga ’yan!" Sapilitang hinablot ni Oli ang baso mula kay McKenzie bago pa man ito tuluyang madikit sa labi ng kaibigan.

"Oli, ano ba!" pag-protesta ni McKenzie.

"Uuwi na tayo, Mcki." Ibinaba ni Oli ang baso sa lamesa at hinarap ang kaibigan. "Daig mo pa ang broken-hearted, eh wala ka namang jowa!"

Ngumisi lang si McKenzie at inirapan si Oli. "Magwa-washroom lang ako, tapos uuwi na tayo. Wait for me here, alright?"

Tumayo si McKenzie. Pero sa halip na mag-washroom, naisipan niyang dumiretso na lang sa parking lot para doon hintayin si Oli dahil sa sobrang pagkahilo. Pasuray-suray siyang lumakad palabas ng bar. Pagkarating sa parking lot, nakita niya agad ang pamilyar na kotse. Lumapit siya rito at agad na sumakay sa back seat.

Habang nangyayari ito, nasa labas na rin si Allyna. May kausap siya sa telepono nang bigla siyang napatigil sa pagsasalita at napalingon sa kanyang likuran.

"Larry, wait... something just came up. I'll call you back," sabi niya sa kabilang linya habang hindi inaalis ang nagtatakang tingin sa estrangherang bigla na lang pumasok sa kotse niya.

Nagtaka siya, pero nang mamukhaan ang babae, biglang nagsalubong ang kanyang mga kilay. Siya ’yung babae kanina sa loob.

Napadikit ang likod ni Allyna sa driver's seat at napahawak sa manibela habang nakatingin sa rear-view mirror. Napangiti siya, tila aliw na aliw sa sitwasyon.

"I think you got the wrong car," sabi niya rito, pero nakapikit lang si McKenzie at tila tuluyan nang nakatulog.

"What should I do to her?" tanong ni Allyna sa hangin habang muling nililingon ang babae.

Nakuha ng pansin niya ang magagandang kilay nito. Ang matangos na ilong. At ang mapupulang labi na mukhang hindi naman dahil sa lipstick kundi natural lang ang pagka-pinkish. Natitig siya roon at muling napangiti.

Lumabas si Allyna sa driver's seat at binuksan ang p***o sa likod para lapitan si McKenzie.

"Hey, sleeping beauty..." Bahagya niyang tinapik ang pisngi nito, pero walang epekto. Nagpalipat-lipat ang tingin niya mula sa mga mata nito pababa sa medyo makapal at hugis-pusong labi ni Mcki. Lumabas ang mga dimples ni Allyna sa kusang pagngiti.

"Tell me where you live," bulong niya, balak na sanang ihatid ito.

Mas lalong lumapad ang ngiti ni Allyna at nagningning ang kanyang mga mata nang makitang mahinang humilik si Mcki. "What made you so drunk, though? Or perhaps... who?" tanong niya, mas sa kanyang sarili dahil alam niyang hindi naman siya naririnig nito.

Bumuntong-hininga si Allyna. Inilapit niya ang mukha kay Mcki—halos isang pulgada na lang ang distansya kaya ramdam na ramdam niya ang mainit na hininga nito sa kanyang balat. Napadako ang tingin niya sa sumisilip na cleavage nito, dahilan para mapalunok siya dahil sa biglang panunuyo ng kanyang lalamunan.

"Ohh..." sambit niya. "...temptation is always testing my patience."

Ilang segundo pa ang lumipas bago mabilis na lumayo si Allyna, bago pa man siya makagawa ng kung anong mapangahas na bagay. Isinara niya ang p***o at bumalik sa driver's seat.

Dahan-dahan siyang nagmaneho alang-alang sa babaeng mahimbing na natutulog sa likod. Dahil hindi alam ang address nito, walang choice si Allyna kundi iuwi si Mcki sa sarili niyang condo unit.

Nang makarating sa garahe, pinatay niya ang makina at eleganteng bumaba ng kotse para asikasuhin si Mcki. Tulog pa rin ito. Hindi malaman ni Allyna kung paano ito bubuhatin pumasok sa loob.

"Hey, sleeping beauty..." bulong niya. Naupo siya sa tabi nito at nagnakaw na naman ng tingin habang nag-iisip ng paraan. Kailangan niya talaga itong gisingin kahit pa magalit ito.

Hindi naman siya nabigo dahil dahan-dahang idinilat ni Mcki ang kanyang mga mata.

"Am I in heaven already?" tanong ni Mcki habang nakatitig sa mukha niya.

Naguluhan si Allyna. Napahilig ang ulo niya, litong-lito ang utak kung ano ang isasagot. "What?"

"’Coz I'm seeing an angel."

Biglang namula ang mga pisngi ni Allyna sa cheesy line na iyon kaya napaiwas siya ng tingin. First time niyang maramdaman ang ganoong klaseng kilig at init sa mukha. "Oh, come on. If you're in heaven, you won't see me now," naging sagot na lang niya para itago ang pagkailang.

Natawa nang mahina si Mcki. Medyo nahimasmasan na ito dahil na rin siguro sa naging biyahe nila.

"I guess you're okay now. Can you tell me your address? I'll drive you home—"

"No!" agad na pagtanggi ni Mcki. "I don't wanna go home. At least, not yet." Sumilay ang matinding lungkot sa mukha nito, kaya nagdalawang-isip si Allyna.

Napaisip si Allyna sa sitwasyon nila. What are the odds? Kasama niya ngayon ang isang random na babae mula sa bar. Wala naman siguro itong gagawing masama. Mukha namang harmless ang babae at pasadong-pasado sa standard at taste niya.

Si Allyna ang tipo ng babae na nakukuha ang lahat ng gusto niya. At sa mga oras na ito, isa lang ang gusto niya—at nasa harap niya na ito ngayon. It was the perfect chance to make her move.

"Hmm... Fine. You may stay." Tinalikuran niya ito at naunang maglakad papasok, hudyat para sumunod si Mcki.

Ngayong gabi lang naman ito. Pagkatapos nito, babalik din sa normal ang lahat, iyon ang tumatakbo sa isip ni Allyna. Gusto niya lang ng distraction, at baka makatulong ang babaeng ito.

"Feel at home," sabi ni Allyna nang makapasok sila sa loob. "You wanna drink more?" tanong niya nang hindi nakatingin sa kanyang bisita.

"Hmmm... if you drink with me," sagot naman ni Mcki, na nag-iwan ng malalim na kahulugan sa isip ni Allyna.

Hindi matatapos ang gabing ito nang hindi napapasakin ang bisita ko.

"Alright then. But let's exchange names first. We don't even know each other yet, but we're already in this situation," nakangiting hamon ni Allyna.

Hindi malaman ni Mcki ang eksaktong nararamdaman, pero tila nae-entertain siya sa presensya at confidence ng babaeng kaharap niya.

"I'm McKenzie Elle Dela Fuentez."

That surname!

Sandaling natigilan si Allyna, pero naisip niyang marami namang magkakapareho ng apelyido. Marahil ay nagkataon lang na kapareho ito ng kakilala niya.

Sa halip na tanggapin ang nakalahad na kamay ni Mcki para makipagkilala, hinawakan ito ni Allyna, hinila palapit, at dahan-dahang idinikit sa kanyang sariling mga labi.

Napako ang tingin ni Mcki sa ginawa nito. Saglit na na-paralyze ang utak niya at hindi agad nakapag-react.

"I'm Allyna Celeste Constantine Di Silvestre," wika ni Allyna habang diretso ang tingin sa mga mata ni Mcki, hindi pa rin binibitiwan ang kamay nito.

"Hey..." tawag ni Allyna nang mapansing tuluyan nang nag-space out ang kausap. Napangiti siya nang marealize kung gaano kalakas ang epekto ng ginawa niya kay Mcki.

"First time mo?" nakangising tanong niya.

"Huh?!" May halong gulat na nabalik sa huwisyo si Mcki.